ناڤەندا نووچەیان – سەما
ئيرۆ ئێك شه‌مبوويێ، 23-02-2025، مەسرور بارزانی، سەرۆکێ حکومەتا هەرێما کوردستانێ، پێشوازی ژ ستیڤن هیچن باڵیۆزێ بەریتانیا ل عیراقێ کر.
ئەندرۆ بیزلی، کونسولێ گشتی یێ بەریتانیا ل هەرێما کوردستانێ ژی ئامادەی جڤینێ بوو، حکومەتا هەرێما کوردستانێ د راگەهاندنەکێ دا ئاماژە ب وێ چەندێ دایە “رەوشا گشتی یا عیراقێ و دەڤەرێ و پێدڤیا چارەسەرکرنا کێشەیێن د ناڤبەرا هەرێما کوردستانێ و حکومەتا فیدراڵ دا ل سەر بنگەهێ دەستوورێ و رێزگرتن ژ قەوارەیا دەستووری و فیدراڵی یا هەرێمێ هاتە گەنگەشەکرن.”
هەروەکی د راگەهاندنێ دا هاتی “سەرۆکێ حکومەتێ، سپاسیا باڵیۆزی کر ب هەلکەفتا دوماهیکهاتنا ئەرکێ وی و هیڤیا سەرکەفتنێ د ئەرکێ داهاتی دا بۆ خواست.”
تەوەرەکێ دی یێ كۆمبوونێ، تایبەت بوو ب گەنگەشەیێن پێکئینانا کابینا نوی یا حکومەتا هەرێما کوردستانێ. د ڤی واری دا ئاماژە ب وێ چەندێ هاتیە کرن “هەردوو لا هەڤرا بوون ل سەر گرنگیا پێکئینانا حکومەتەکا بهێز و یەکگرتی و خزمەتکار د دەمەکێ زوو دا، د پێناڤ رووبەرووبوونا ئاستەنگان و درێژەدانا کارناما چاکسازی و خزمەتکرنا هاوەلاتیێن هەرێما کوردستانێ.”