ناڤه‌ندا نووچه‌يان – سه‌ما
زێده‌ترى هه‌زار خێزانێن ئاواره‌يێن ئێزدی ژلايێ وه‌زاره‌تا كۆچ و كۆچبه‌رێن عيراقێ ڤه هاتنه خاپاندن و دووبارە ئاوارە بوون.
دڤى وارى دا عەلی شەمۆ، چالاکڤانێ ئێزدی ل کەمپا سەردەشت ل چیایێ شنگالێ،ئيرۆ 6ى شوباتا 2025ێ، بۆ سه‌ما گۆت: نێزيكى 1500خێزانێن ئاواره‌يێن ئێزدی يێن ل کەمپا سەردەشتێ ئاكنجى، ژلايێ وه‌زاره‌تا كۆچ و كۆچبه‌رێن عيراقێ هاتنه ئاگه‌هداركرن كو دێ وان ڤه‌گه‌رينن ده‌ڤه‌رێن وان ڤه و هه‌ڤكاريا وان كه‌ن، ده‌مێ ئاواره‌يان فورمه پركرين وه‌زاره‌تێ گۆت ئه‌وان ئيمزاكريه و كه‌مپه دائێخستن ل جهێ هاريكاريا وان بكه‌ن، ژبه‌ر هندێ رێكخراوان ژى هاريكاريێن خۆ بۆ ڤان ئاواران قوتكرينه.
چالاکڤانێ ئێزدی ل کەمپا سەردەشتێ ديار ژى كر، هندەک رێکخراوان سۆزدایە خەلکێ شنگالێ دەمێ ژ کەمپا سەردەشت ل چیایێ شنگالێ بچنە سەر مالێن خۆ دێ هەڤکاریا وان ئێتە کرن، پشتی خەلک چووینە سەر مال و حالێن خۆ دیتن کو چ رێکخراو هەڤکاریا وان ناکەن و خانیێن خەلکی خراب بووینە و نكارن دناڤ خانیێن خۆدا بمینن، لەوما هەتا 100 خێزانێن ئێزدی دووبارە مال و حالێن خۆ بجهێلان و قەستا چیایێ شنگالێ کرن.
ل ده‌مێ رێكخراوا داعش يا تيرۆرستى هێرشى قه‌زا شنگالێ كرى، ب سه‌دان خێزانێن ئێزدى خۆ گه‌هاندنه چيايێ شنگالێ و ب تايبه‌ت ل كه‌مپا سه‌رده‌شتێ ئاكنجيبووين و هه‌تا نوكه ل وێده‌رێ ماينه، ژبه‌ر نه‌ئارامى و نه‌بوونا خزمه‌تگۆزاريان نكارن ڤه‌گه‌رنه ده‌ڤه‌رێن خۆ ڤه.