ناڤەندا نووچەیان – سه‌ما
ئيرۆ پێنج شه‌مبوويێ 27-2-2025ێ، ياريا داويێ ژ قاره‌مانيا ڤۆلى بۆلێ دناڤبه‌را هەلبژارتیێن په‌روه‌رده‌يێن قه‌زا شنگال و به‌رده‌ره‌ش دا ل سه‌ر ئاستێ پارێزگه‌ها دهۆكێ هاته كرن.
ب چاڤدێری و ئاماده‌بوونا عومر عه‌لى طه، رێڤه‌به‌رێ گشتی يێ په‌روەردا پارێزگەها دهۆكێ مه‌يسه‌ر حه‌جى سالح، رێڤەبەرێ پەروەردا قەزا شنگال و کیف اللە یاسین، رێڤەبەرێ پەروەردا بەردەڕەش ب وەکالەت و احسان حه‌سه‌ن زبێر، رێڤەبەرێ رێڤەبەریا چالاکیێن وەرزشی و دیدەڤانی ل پارێزگەها دهۆکێ و محه‌مه‌د اسود ئه‌لياس، بەرپرسێ پشکا چالاکیێن وەرزشی و دیدەڤانی ل پەروەردا شنگال و هه‌ژماره‌كا باش ژ بەرپرسێن حزبی و حکومی و مامۆستا و قوتابیان،ياريا داويێ ژ قاره‌مانییا ڤۆلی بۆلێ ل سەر ئاستێ هەلبژارتیێن پەروه‌ردەيێن قەزایێن پارێزگەها دهۆکێ دناڤبەرا هەلبژارتیێ هەردوو پەروەردەیێن شنگال و بەردەرەش دا هاتەکرن.
پشتی هەڤرکییەکا دژوار د درێژاهییا یاریێ دا دئەنجامدا هه‌لبژارتيێ په‌روه‌ردا به‌رده‌ره‌ش ناسناڤێ قاره‌مانيێ بده‌ستڤه‌ئينا و هه‌لبژارتيێ شنگال ل رێزا دوويێ هات.
ل داویێ خه‌لات ل سه‌ر تیم و یاریكه‌رێن سه‌ركه‌فتى هاتنه به‌لاڤكرن.