ناڤه‌ندا نووچه‌يان – سه‌ما
ل سه‌نته‌رێ قه‌زا شێخان ده‌ست ب دروستكرنا پاركه‌كا گشتى هاته كرن، سه‌رۆكێ باژێرڤانيێ ژى دبێژت: رێژا كه‌سكاتيێ دێ زێده‌كه‌ن.
پێنج شه‌مبوويێ 19ى ئادارا 2025ێ، ئه‌ندازيار خالد نه‌رمۆ، سه‌رۆكێ باژێرڤانيا شێخان بۆ سه‌ما راگه‌هاند: ب هه‌لكه‌فتا بوونا بارزانيێ نه‌مر و بيره‌وه‌ريێن ئادارێ و سه‌رهلدانا باژێرێ شێخان، ده‌ست ب دروستكرنا پاركه‌كا گشتى ل تاخێ سێ ئۆلا ل سه‌نته‌رێ قه‌زايێ هاته كرن.
سه‌رۆكێ باژێرڤانيا شێخان ديار ژى كر، ل سەر رووبەرێ 28 هه‌زار مەترێن چوارگوشە، دەست ب كارێ چێكرنا پاركێ هاتیە كرن و د قۆناغێن دەستپێكی دایە و نوكه هه‌زار دار تێدا هاتينه چاندن و ل ده‌مێن بێت هه‌موو خزمه‌تگۆزارى دناڤا پاركێ دا دێ به‌رده‌ست بن.
خالد نه‌رمۆ گۆتژى:” ژبۆ مەرەما زێدەكرنا ڕێژا كەسكاتیێ ل شێخان، مە گرنگیەكا مەزن دایە چاندنا داروبار و كەسكاتیێ”.