ناڤه‌ندا نووچه‌يان – سه‌ما
مەسرور بارزانی، سەرۆکێ حکومەتا هەرێما کوردستانێ، ب هه‌لكه‌فتا جەژنا نەورۆزێ و سەرێ ساڵا نوو يا کوردی 2725، پەیامه‌ك به‌لاڤكر. تێدا هاتيە، گەرمترين پیرۆزباهیان ل هه‌موو كوردستانییان ب تایبه‌تى پێشمه‌رگه‌یێن قاره‌مان، هێزێن ئاسایشا ناڤخۆ، كه‌سوكار و بنه‌مالێن شه‌هید و ئه‌نفالكریان كر. هیڤيدارم د خۆشی و شادی و ئارامی و خۆشگۆزەرانێ دا بن.
د پەیاما سەرۆکێ حکومەتا هەرێمێ دا هاتييە “سوپاسيا خەڵکی خۆڕاگر و نیشتمانپەروەرێ کوردستانێ دکەم، کو ئئیراده‌یا ب هێز یا گه‌لێ كوردستانێ وه‌ل مه‌كریه ب گه‌شبینى داهاتى ببینین و ل ده‌مه‌كێ نێزیكدا حكومه‌تا نوو یا ب هێز و ئێكگرتى پێكبهینین، و ب شێوەیەکی باشتر و شایستەتر، درێژيێ ب کارنامەيا چاکسازییان بدەین و زێده‌تر خزمەتا گشت وه‌ڵاتیێن هەرێما کوردستانێ بکەین، وه‌لاتێ مه به‌ره‌ف قۆناغه‌كا پێشكه‌فتى و گه‌شتر ببەین. نەورۆزا وه پیرۆز بت. خودايێ مەزن کوردستان و کوردستانییان بپارێزت.”