ناڤهندا نووچهیان – سهما
خزمەتگۆزارییا زێدەکرنا ناڤێن زاڕۆكان د کارتا ئەلیکترۆنی یا ئاهێن خوارنێ (فۆڕما خۆراکێ) دا هاتە کاراکرن، و وەلاتی دكارن ژ نۆکە و پێڤە ناڤێن زاڕۆكێن خۆ تۆمار بکەن.
قهيس وهيس، بەرپرسێ ڕاگەهاندنا ڕێڤەبەرییا ڕێکخستنا پلێتێن ئاهێن خوارنێ ل دهۆكێ، د لێدوانەکێ دا بۆسهما ڕاگەهاند: “خزمهتگۆزارییا زێدهكرنا زارۆیێن دبن 12 سالییێ دا، د كارتا ئهلكترۆنیكرنا ئاهێن خوارنێدا ل پارێزگهها دهۆكێ هاته كاراكرن، د نۆكهدا وهلاتی دكارن لهزێ بكهن و ناڤێن زاڕۆكێن خۆ د كارتا ئهلكترۆنیدا زێده بكهن.”
ناڤبری ئاماژە ب وێ چەندێ دا، پێدڤییە وەلاتی ل دەمەکێ نێزیک و ب لەز سەرەدانا لایەنێن پەیوەندیدار بکەن دا کو ناڤێن زاڕۆكێن خۆ د کارتێن نوو یێن ئەلیکترۆنی دا زێدە بکەن و ژ مافێن خۆ یێن ئاهێن خوارنێ بێ بههر نەمینن.
وهزارهتا بازرگانییا عێراقێ ژی ناڤێن وان پارێزگههان ڕاگههاند یێن ئهڤ خزمهتگۆزارییه لێ هاتیه كاراكرن، ژوان ژی؛ دهۆك، ههلهبجه، سهلاحهدین، واست، میسان، زیقار، بابل، دیوانییه و موسهننا.