ناڤهندا نووچهیان – سهما
ئيڕۆ ڕۆژا شەمبوويێ، 19ى تهمموزا 2025، مەسرور بارزانی سەرۆکێ حکوومەتا هەرێما کوردستانێ، پێشوازی ل باڵیۆز ستیڤن ڤەیگن، ڕێكخهرێ باڵیۆزخانا ئەمەریکا ل عێراقێ کر.
حکومەتا هەرێما کوردستانێ د راگەهاندنەکێ دا ئاماژە ب وێ چەندێ کریە، د کۆمبوونێ دا، کو ستیڤ بیتنەر کونسوڵێ گشتیێ ئەمریکا ل هەرێما کوردستانێ ئامادە بوو، ڕەوشا گشتی يا عێراقێ و دەڤەرێ و بهێزکرنا زێدەتر یا پەیوەندییێن دوو لایەن هاتنە بهحسكرن.
ئەو چەندە ژی خویاکر، کو باڵیۆز ڤەیگن، پشتەڤانى یا وەلاتێ خۆ بۆ قەوارەیا فیدراڵی و هەرێما کوردستانەکا بهێز دووپاتکریە.
ل گۆڕ ڕاگەهاندنێ، مەسرور بارزانی، سهرۆكێ حكومهتا ههرێما كوردستانێ سوپاسیا پشتگیریا بەردەوام یا ویلایەتێن ئێکگرتییێن ئەمریکا ل هەرێما کوردستانێ کریە.
د راگەهاندنێ دا هاتیە: “هەردوولا هەڤڕا بوون ل سەر وێ چەندێ کو پێدڤیە حکوومەتا فیدراڵ د دەمەکێ زوو دا، مووچە و شایستەیێن دارایی یێن هەرێما کوردستانێ بهنێرت و د دەمەکێ نێزیکدا، هنارتنا نەفتا هەرێمێ ژ ڕێیا بەندەرا جەیهانا تورکیا دەست پێ بکەتەڤە. هەروەسا پێدڤیە هێرشێن تیرۆرستی و تێکدەرانە یێن درۆنان بۆ سەر زەڤیێن پهترۆلێ و ژێرخانا وزەیا هەرێمێ بێتە راوەستاندن.”
د بەشەکێ دی یێ کۆمبوونێ دا، “هەردوولا هەڤڕا بوون ل سەر وێ چەندێ کو پێدڤیە کابینا نوو یا حکوومەتا هەرێما کوردستانێ بەری هەلبژارتنێن پەرلەمانێ عێراقێ بهێتە پێکئینان.”