دیارە ل گۆڕ پێشهاتێن سیاسی و گۆڕانکاریێن دەڤەرێ و نەخشەو دێزاینا نو یا هەفپەیمانیا دەولی ( ئەمریکا ، بەڕێتانیا ، فرەنسا ، ئیسرائیل ) بۆ ڕۆژهلاتا ناڤین ئاماژێ بوێ چەندێ ددەت کو هن وەلاتێن دەڤەرێ لسالا بێتن ۲۰۲٦ێ بەرەف قوناغا دەستپێکی یا دابەشبونێ دهەڕکێ نەخاسمە سوریا وعیراق.
چنکو دیارە ( ١٠٩) سالێن ڕێککەفتنا سایکس بیکۆ و ململانا زڵهێزا دەولی و تاکڕەویا دەستهەلاتێن ڕژێمێن مەرکەزی و دکتاتوری گەلەك ئێش و ئازار دبۆرینا زێدەی سەدسالاندا بۆ گەل و نەتەوەیێن دەڤەرێ خولقاندینە و ڕاستی هژمارەکا شەڕێن هەرێمایەتی وتەنگاڤیا و دەردەسەریێ و مالوێرانکرنێ بوینە ، زێدەباری ئێکلانەکرنا پرسێن سیاسی وکێشێن نەتەوی و سنوڕێن جوگرافی یێن ڕاستەقینە دناڤبەرا ولاتێن دەڤەرێدا .
نەخۆشبەختانە هەتا قوناغا ئەڤرۆ ژی کێشێن نەتەوی ماینە هەلاویستی و نەهاتینە چارەسەرکرن ویێت بوینە ئەگەرێ ئالۆزیا و خولقاندنا قەیرانێن جۆراوجۆر و کارەساتێن مروڤی لسەر گەلێ کوردستانێ و گەلێن دەڤەرێ بکشتی !
خۆشبەختانە دیارە هەفپەیمانیا دەولی ل قوناغا ئەڤرۆ ستراتیژیەتا خوە ل دەڤەرێ گۆهەرتیە وئەڤەژی وێ چەندێ دسەلمینت کو چ سنوور بۆ ڕێککەفتنا سایکس بیکۆ و پەیمانا لۆزان یا ڕەش و کورد وێرانکەر نامینیت و دێ هێتە هەلوەشاندن و وەلاتێن دەڤەرێ دێ کەفنە ژێر پارچەکرنێ دابەشکرنێدا .
لەوما گەرەکە و زۆر پێتدڤیە گەلێ کوردستانێ بهێزێن سیاسیێن کوردستانی ڤە ڤێ دەرفەتا مێژۆیی ژدەستنەدەن وئیستغلال بکەن .. زۆرگرنگ وپێتڤیە سەرکردایەتیا سیاسی یا کوردستانی و ڕایەدەرێن گەلێ کورد ژپێخەمەت دیتنا ڕێکێن چارەسەریێ بۆ پرسا کوردی وبهەڤڕە خوە بگونجینن دگەل کاودانێت دەڤەرێ وستراتیژیا وەلاتێن زڵهێز و جیهانا ڕوژئاڤا داکو دڤێ بەڵانسێدا دووبارە گەلێ کورد دەستبەتال دەرنەکەڤیت و مللەتێ کورد بسلامەتی ژڤێ قوناغا هەستیار ڕزگاربیتن.
ژبەر هندێ دووپات دکەم کو ( ئێکگرتن و ئێکڕێزی وتفاق وتەبایی و یەك ڕێزی ویەك گوتارا سیاسی) سومبول و کلیلا سەرکەفتنا مەزن یا گەلێ کوردستانێ یە ل همبەر هەر تەحەدیاتەکێ.
بدیتنا من بڤێ چەندێ دێ دەستکەفتیێن مێژۆیی و کەرامەتا خەلکێ هەڕێمێ و کوردستانێ بگشتی هێتە پاراستن وجارەك دن مینا خۆپانا ( پەیمانا لۆزان یا کورد وێرانکەر ) ناهێتە خاپاندن و توشی ج نەکسە و کارەساتێن دی نابنەڤە .
ئۆمێدەوارین ل داهاتیەکی نێزیكدا گەلێ کوردستانێ بسەرکەفتیانە بکارن بڕیارا مافێن خۆ یێن ڕەوا و چارەنڤیسساز بدەنە دیارکرن و ڕابگەهینن.
هەر ئارام وئاڤەدانبیت کوردسان
