ناڤەندا نووچەیان – سەما
رێڤەبەریا گشتی یا ساخلەمیا پارێزگەها دهۆکێ ئاگههداريا ئاکنجيێن پارێزگەها دهوکێ ئاگەهدار دکەت کو ل ڕۆژانێن بێهنڤەدانا فەرمی بۆ سەرێ سالا نوو، نەخۆشخانە و دامودەزگەهێن ساخلەمیێ دێ خزمەتا نەخۆش و وەلاتیان کەن.
ئيڕۆ چارشهمبوويێ 24ـى كانوونا ئێكێ 2025، رێڤەبەریا گشتی یا ساخلەمیا پارێزگەها دهۆکێ ئاگههدارييهك بهلاڤكر و تێدا هاتييه، ئاکنجێن پارێزگەها دهۆکێ ئاگەهدار دکەین کو ڕۆژانێن بێهنڤەدانا فەرمی هەمان ڕۆژێن بێهنڤەدانێ نە یێن کو ژلایێ حکومەتا هەرێما کوردستانێ ل ڕێکكەفتی (25/12/2025) دەستپێ دکەت تاکو (3/1/2026)، بۆ ڤێ مەرەمێ نەخۆشخانە و دامودەزگەهێن ساخلەمیێ ژ لایێ رێڤەبەرێ گشتی هاتینە رادسپاردنکرن خزمەتا نەخوش و وەلاتیان بکەن لدیڤ ڤان رێنمایێن خوارێ:
1- هەموو پشکێن تەنگاڤییان ل هەموو نەخۆشخانان (24) دەمژمێری دێ دڤەکری بن.
2- دەواما پشکێن دی یێن نەخۆشخانان دێ ب شێوێ نۆبەداری بیت.
3- کلینیکێن شیرەتکاری ژبلی رۆژێن 25/12/2025 و 3/1/2026 بێهنڤەدانێن فەرمینە ل هەموو رۆژێن دی دێ دکاری دابن.
4- سەنتەرێ دلی و شووشتنا گولچیسکان و بەنکا خوینێ بەردەوام دێ دڤەکری بن ب شێوێ نۆبەداریان.
5- تیمێن ڤێراگەهشتنێن دەستپێکێ و هێلا (122) دێ د بەردەوام بن ل سەر ئەرک و کارێن خوە ب شێوەی (24) دەمژمێریٚ.
6- ل دەمێ پێدڤی دا کۆگەهێن دەرمان و پێدڤیێ پزیشکی و تاقیگەهێ دێ دڤەکری بن ل هەموو باژێر و باژێرکان.
7- تیمێن ( زێرەڤانیا ساخلەمیێ و نەخۆشیێن ڤەگر و چاڤدێریا تەندروستی) دێ د بەردەوام بن ل دووڤچوونێن خوە.
8- پابەندبوونا نۆشدارێن بسپۆڕ و نیشتەجێ دێرین و خولاو و پەرستار و کارمەندێن ساخلەمیێ ب دەواما نۆبەداریان ل ڕۆژێن بێهنڤەدانێ دا.
9- سەنتەرێ ئازادی یێ پەنجەشێرێ ب شێوەیێ نوبەداری دێ پێشوازایێ ل نەخۆشان کەتن.
دگەل داخازا ساخی و سلامەتیێ بۆ وەلاتیان.