ناڤەندا نووچەیان – سەما
بريكارێ سهرۆكێ ديوانا ئهوقافا ئۆلان ل بهغدايێ ئاماژه ب وێ چهندێ دا، پترى سێ سالانه چ پڕۆژهيێن ئۆلى ژ لايێ حكومهتا عێراقێ ڤه بۆ ئێزدييان نههاتينه ئهنجامدان.
داسن قهوال سلێمان، بريكارێ سهرۆكێ ديوانا ئهوقافا ئۆلێن مهسيحى، ئێزدى و سابئه مهندائيان ل بهغدايێ بۆ سهما ڕاگههاند: پترى 10 سالانه هێشتا چهندين جهێن ئۆلى يێن ئێزدييان يێن ل سهر دهستێ رێكخراوا داعش يا تيرۆرستى هاتينه خرابكرن، وێران ماينه و نههاتينه نووژهنكرن و بهردهوام داخواز كرييه دووباره بێنه نووژهنكرن ڤه.
ئاشكراكر:” چهندين سۆز ب مه هاتينه دان كو وان مهزارگههان نووژهن ب كهن، لێ ل سهر ئهردێ چ نههاتييه كرن، د نۆكه دا چهندين مهزارگههێن ئۆلى ل ژێر مهترسييا ههرفاندنێ دانه، ژ بهر پشتگوه خستنێ و زيانهكا مهزنه بۆ ژ دهستدانا ڤان جهێن ئۆلى و ديرۆكا كهڤنار.”
ههروهسا ئاماژه ب وێ چهندێ دا، ئهڤه پترى سێ سالانه ڤهديتن بۆ نووژهنكرنا مهزارگههێن ئۆلى ل شنگال و باشيك و بهحزانێ و شێخان و چهند دهڤهرێن دى هاتيه كرن، لێ پارهدان نينه و وهكى خۆ ماينه.
دهمێ تيرۆرستێن داعشێ هێرشێ قهزا شنگالێ و ناحيهيا باشيكێ و چهند دهڤهرێن دى يێن ئێزدييان كرى، زيانێن مهزن ب مهزارگههـ و نيشانگههێن ئۆلى ژى گههاندن و پهقاندن، ههتا نۆكه ژى گهلهك ژ وان وهكى خۆ ماينه و نههاتينه نووژهنكرن.