ناڤهندا نووچهیان – سهما
مەسرور بارزانی، سهرۆكێ حكومهتا ههرێما كوردستانێ دبێژت، “ئێكگرتن مهزنترين سەرمایێ مهيه و دڤێت داکۆکیێ ل دەستكهفتيێن خۆ يێن نیشتيمانی بکەین.”
ئيرۆ پێنج شەمبوويێ، 5ـی ئادارا 2026، مەسرور بارزانی، سهرۆكێ حكومهتا ههرێما كوردستانێ پەیامهك ب ههلكهفتا 35ههمین يادا ئادارا 1991ـی يا گەلێ کوردستانێ بهلاڤ كر.
د پەیاما خۆ دا سەرۆکێ حکومەتێ پیرۆزباهييا یادا سهرهلدانێ ل خەلکێ کوردستانێ و پێشمەرگەى و مالباتێن شەهیدان دکهت و دبێژت، ” سهرهلدان ئێکە ژ سهرفهرازترین دەستكهفتێن گەلێ کوردستان و د سایا خەبات و قوربانیدانا خەلكێ، ئيرۆ هەرێما کوردستانێ خودانا قهواره و دامهزراوهیێن فهرمی و شهرعی یه”.
دەقێ پەیاما مەسرور بارزانی، سهرۆكێ حكومهتا ههرێما كوردستانێ ب ههلكهفتا 35هـەمین يادا سهرهلدانا گەلێ کوردستانێ:
ل سالڤهگهرا (35)ـێ یا سهرهلدانا مهزن و پر شانازییا سالا 1991ێ، گهرمترین پیرۆزباهییان ل گشت كوردستانیان ب تایبهتی پێشمهرگههێن قههرهمان و بنهمالێن سهربلندێن شههیدان دكهم.
سهرهلدان ئێكه ژ دهستكهفێتن پر شانازیێن گهلێ كورد، كو بهرههمێ ئێكگرت ئێكرێزی و ئێكگرتنا تهڤایا پێكهاتێن جۆراو جۆرێن گهلێ كوردستانێ یه، د سایا سهرهلدان و خهبات و تێكۆشین و قوربانیدانا خهلكێ كوردستانێ دهستكهفێن ئیرۆ پهیدابوون، ئیرۆ ههرێما كوردستانێ خودانا قهواره و دامهزراوهیێن فهرمی و شهرعی یه. كو پێـتڤییه ب ههموو ئاوایهكی پاراستن لێ بهێتهكرن و زێدهتر گهشه بكهت.
د ڤێ بیرئینانا پر شانازی دا، تهكهزیێ دكهین ئێكگرتنا خهلكێ كوردستانێ مهزنترین و ب هێزترین بهرههمه و ههروهك چاوان ب سایا ئێكرێزی و ئێكگرتنا گهلێ كورد، سهرهلدانا ئادارا 1991ێ سهركهفت و گههشته ئهنجامێ خۆ و ژوانژی دهستكهفێن ئیرۆ لێ بهرههم هاتن، ههر د ڤی دهمێ ئیرۆ دا، پێتڤییه خهلكێ كوردستانێ زێدهتر ژ ههر دهمهكی پارێزگاریێ و داكۆكیێ ل دهستكهفتێن نشتیمانی و نهتهوهیی بكهین ئهوژی ژ پێناڤی پاشهرۆژهكا گهشتر و باشتر و پێشكهفتی تر.
بهرز و بلند بت یادا سهرهلدانا دیرۆكی یا 1991.
سلاڤ ل گیانێ پاقژێ شههیدێن سهرهلدان و تهڤایا شههیدێن كوردستانێ.
خودایێ مهزن كوردستانێ ب پارێزت.
مهسرور بارزانی
سهرۆكێ حكومهتا ههرێما كوردستانێ
5/3/2026