ناڤهندا نووچهيان – سهما
د ڕوونشتنا ژمارە 20 یا جڤاتا نوونەرێن عێراقێ دا، خالد سهیدۆ، نوونەرێ کۆتايا ئێزديیان ب فەرمی داخواز کر کو پشتەڤانیيەکا بلەز پێشکێشى جۆتیارێن قەزا شنگالێ بێتە کرن.
ل چهند ڕۆژێن بۆرى دا و ژ بەر بارینا تهيرۆكهكا بهێز، ب سەدان دۆنەمێن ئەردێن چاندنێ ل ناحیهيا سنوونێ ل قهزا شنگالێ زیانێن مەزن بهركهفتن و بەرهەمێن جۆتیاران ب تەمامی ژناڤچۆن.
دوهى چارشهمبوويێ، 22ـى نيسانا 2026، پەرلەمانتار خالد سهیدۆ، نوونەرێ کۆتايا ئێزدیيان ل پهرلهمانێ عێراقێ د ڕوونشتنا ژمارە 20 یا جڤاتا نوونەرێن عێراقێ دا گۆتارهك پێشكێشكر و دیار کر، جۆتیاران گازييا خۆ گەهاندینە وان دا کو دەنگێ وان بگەهینتە حکومەتا فیدڕال، ب مەرەما دابینکرنا قەرەبوویەکا دادپەروەرانە بۆ وێ زیانێ کو گەهشتیيە ژێدەرێ وان یێ بتنێ یێ دهبارا ژيانێ.
گۆتژى: ژ نێزیک و ژ دەمژمێرێن دەستپێکێ ل سەر هێلێ بوو دگەل جۆتیارێن زیانڤێکەفتى و هۆبا چاندنێ و پارێزگارێ نەینەوا دا کو ڕاپۆرتەکا دروست ل سەر قەبارێ کارەساتێ ئامادە بکەت.
دوپاتكر، پێدڤیيە حکومەتا عێراقێ ليژنهيهكێ پێك بينت و ب شێوەیەکى بلەز ڕێکاران بگرتە بەر بۆ پاراستنا مافێن جۆتیاران و قەرەبووکرنا وان ب شێوەیەکى کو ل ئاستێ وێ زیانێ بت یێن ب جۆتياران كهفتين.