ناڤهندا نووچهيان – سهما
ئيرۆ ڕۆژا چارشەمبوويێ، 22ـی نیسانا 2026، سەرۆك بارزانی ب هەلكەفتا ڕۆژا ڕۆژنامەگەرییا كوردی پەیامەك بەلاڤ كر.
د پەیاما سەرۆك بارزانیدا هاتییە: د ڤێ بيرهوهرييێ دا هیڤيیا سەركەفتنێ بۆ هەمو ڕۆژنامەڤان و میدیاكارێن خۆشتڤیێن كوردستانێ دخوازم و پشتەڤانییێ ل ئەرك و ڕۆلێ گرنگ یێ رۆژنامەڤانێن كوردستانێ دكەم بۆ بەرگریكرن ژ دۆزا رەوا یا گەلێ مە و كوورتركرنا فەرهەنگا ئاشتیخوازیێ و پێكڤەژیانێ، هەروەسا پاراستنا بەهایێن بلند یێن جڤاكێ كوردستانێ.
دەقێ پەیاما سەرۆك بارزانی بۆ رۆژا رۆژنامەگەرییا كوردی:
ب ناڤێ خودایێ مەزن و دلۆڤان
ب هەلكەڤتا ڕۆژا ڕۆژنامەگەرییا كوردی و 128 سالییا دەركەفتنا ئێكەم ڕۆژنامەیا كوردستان ژلایێ میقداد مەدحەت بەدرخانی ڤە كو هەڤدەم سالیادا دامەزراندنا سەندیكا ڕۆژنامەڤانێن كوردستانێ یە، پیرۆزباهییەكا گەرم ل هەموو ڕۆژنامەڤان و میدیاكارێن كوردستانێ و ئەندامێن سەندیكا ڕۆژنامەڤانێن كوردستانێ دكەم.
د ڤێ هەلكەفتێدا هیڤییا سەركەڤتنێ بۆ هەموو ڕۆژنامەڤان و میدیاكارێن خۆشتڤی یێن كوردستانێ دخوازم، پشتەڤانییێ ل ئەرك و ڕۆلێ گرنگ یێن ڕۆژنامەڤانێن كوردستانێ دكەم بۆ بەرەڤانیكرنێ ژ دۆزا ڕەوا یا گەلێ مە و كویرتركرنا فرهەنگا ئاشتیخواز و پێكڤەژیانێ و پاراستنا بهایێن بلند یێن كۆمەلگەها كوردستانێ.
مەسعود بارزانی
22ی نیسانا 2026ێ