سەما
بڕیارە ل 11ی ڤێ ھەیڤێ، ئێکەم یارییا مۆندیالا 2026 د ناڤبەرا ھەلبژارتییێ مەکسیک و باشوورێ ئەفریقیا ل یاریگەھا ئازتیکا بێتە کرن.
د مۆندیالا ئەڤ سالەدا 48 ھەلبژارتی پشکدارن کو ل سەر 12 کۆمەلان ھاتینە بەلاڤکرن، و ھەموو دێ ھەڤڕکییێ ل سەر ب دەستڤەئینانا جاما جیھانی کەن.
ئێک ژ وان وەلاتێن پشکدارییێ د مۆندیالا ئەڤ سالەدا دکەت وەلاتێ ئەلمانیایە، کو ئێکەم یارییا خۆ ل 14ی ڤێ ھەیڤێ دژی ھەلبژارتییێ کوراساو ل ویلایەتێن ئێکگرتی یێن ئەمریکایێ دێ ئەنجام دەت.
بۆ جارا ئێکێ ژی د دیرۆکێ دا، یاریزانەکێ ئێزدی دێ پشکدارییێ د مۆندیالێ دا کەت، ئەو ژی یاریزانێ نیاس سەر ب ھەلبژارتییێ ئەلمانیاڤە “دەنیز ئۆنداف”ە.
دەنیز ئۆنداف بنەڕەتێ خۆ کوڕەکێ ئێزدییە و خەلکێ باژارێ ڕوھایێ یە (ئورفا) ل باکوورێ کوردستانێ، و نهۆ ل ئەلمانیا دژیت.
ناڤبری ئێکە ژ دیارترین یاریزانێن یانەیا شتوتگارت یا ئەلمانی، کو د ڤی وەرزی دا 25 گۆل دگەل یانەیا خۆ تۆمارکرینە و د ھێلا ھێرشبەریێدا یارییێ دکەت.