ناڤەندا نووچەیان – سەما
ل ژێر سەرپەرشتیيا سەرۆک مەسعود بارزانی ل ئەلمانیا، کۆنگرەیێ فیدراسیۆنا نێڤدەولەتی یێ زمانێ کوردی دەست ب کارێن خۆ کر، شیفا بارزانی پەیام و پێشنیارێن سەرۆک بارزانی بۆ پاراستنا ناسنامەیا نەتەوەیی و گەشەپێدانا زمانی کوردی گەهاندنە ئامادەبوويان.
شیفا بارزانی د گۆتارا خۆ دا ئاماژە ب وێ چەندێ کر، سەرۆک بارزانی ب گرنگى تەماشایى ڤێ کۆمڤهبوونا زانستی و فەرهەنگی دکەت و هیڤيیا سەرکەفتنێ بۆ کارێن کۆنگرەیی خواست. هەروەسا دوپات کر کو زمانێ کوردی پایەیا سەرەکی یا مانا گەلێ کوردە و پێدڤییە هەموو بزاڤ بۆ زیندووڕاگرتنا وی بن.
د پشکەکا دی یا پەیاما خۆ دا، شیفا بارزانی تیشک ئێخستە سەر ڕاسپاردەکا گرنگ یا سەرۆک بارزانی بۆ کوردێن دیاسپۆرايێ و ناڤخۆ و گۆت: ” ل سەر داخوازیيا سەرۆک بارزانی، دڤێت ئەم هەموو خێزانێن کورد هان بدەین کو زاڕۆکێن خۆ بهنێرنە بەر خواندنا زمانێ کوردی و ڕێ نەدەن نفشێ نوو ژ زمانێ خۆ ڤهقهتن.”
هەروەها پەیامێكی توندی ئاراستەی ناو خێزانەكان كرد و ڕای گەیاند، پێویستە زمانی كوردی ببێتە زمانی یەكەمی ئاخاوتن لە ماڵەوە. گوتیشی: “ئەركی سەرشانی باوانە كە لە ناو ماڵ و خێزانەكانیاندا تەنیا بە زمانی كوردی قسە بكەن، بۆ ئەوەی زمانەكەمان بە پارێزراوی بگاتە نەوەكانی داهاتوو.”
هەروەسا پەیامەکا توند ئاڕاستەیی ناڤ خێزانان کر و ڕاگەهاند، پێدڤییە زمانێ کوردی ببتە زمانێ ئێکێ یێ ئاخڤتنێ ل مالێ، گۆتژى: “ئەرکێ سەر ملێ دایک و بابانە کو د ناڤ مال و خێزانێن خۆ دا تنێ ب زمانێ کوردی پاخڤن، دا کو زمانێ مە ب پاراستى بگەهتە نفشێن بێت.”
ل سەر ڕاسپاردهیا سەرۆک بارزانی و پشتهڤانیيا مەسرور بارزانی، سەرۆکێ حكومهتا هەرێما کوردستانێ، ئيرۆ شەمبوويێ 27ـی حوزەیرانا 2026، کۆنگرەیێ ئێکێ یێ فیدراسیۆنا نێڤدەولەتی یێ زمانێ کوردی ل ئەلمانیا ب ڕێڤەچۆ، کو کۆنگرە ژ لایێ کۆنفیدراسیۆنا ڕەڤەندا کوردستانی ڤە هاتیيە ڕێکخستن.