ناڤەندا نووچەیان – سەما
حكومەتا هەرێما كوردستانێ بڕیار دا گەنمێ زێدە یێ جۆتیاران ئەوێ ل سایلۆیان نەهاتیيە وەرگرتن بكڕت. پرۆسە ئيرۆ دێ دەست پێ کەت و بۆ ماوهيێ ههيڤهكێ بەردەوام بت.
ل گۆڕهيى ڕێڤهبهرييا گشتى يا چاندنێ ل پارێزگهها دهۆكێ د ڕاگههاندنهكێ دا بهلاڤ كر، پشتی کۆمبوونەکا هەڤپشک يا دەستەیا وەبەرهێنانێ دگەل هەر دو کۆمپانییێن مەزن (قەیوان و خۆشناو)، ڕێککەفتن هاتە کرن ل سەر دیارکرنا بهايێ گەنمێ جۆتیارێن هەرێما کوردستانێ، ب بەرچاڤگرتنا ڕەوشا جۆتیاران.
ديار ژى كر، بڕیار هاتە دان کو هەر دو کۆمپانییێن ناڤبری بتنێ ئێک تەنا گەنمى ب 400 ههزار دیناران وەربگرن، ل دووڤ ساخلهتێن عێراقێ.
ئاماژه ب وێ چهندێ دا، ئەڤ پرۆسە دێ ب ڕێيا ڕێڤەبەریيا گشتى يا چاندنێ ئێتە ئەنجامدان و د نهۆ دا جۆتیار دكارن سەرەدانا ڕێڤەبەريیێن چاندنێ ل سنوورێ خۆ بکەن بۆ وەرگرتنا پسۆلان، پاشان بۆ ساخکرنا بەرهەمێ خۆ دكارن پەیوەندیيێ ب کۆمپانیا خۆشناو ل هەولێر و دهۆکێ بکەن.