ناڤه‌ندا نووچه‌یان – سه‌ما
رێڤه‌به‌ريا گشتى يا كاروبارێن ئێزديان ل وه‌زاره‌تا ئه‌وقاف و كاروبارێن ئايينى ل حكومه‌تا هه‌رێما كوردستانێ، په‌يامه‌كا پيرۆزباهيێ پێشكێشى بنگه‌هێ لالش يێ ره‌وشه‌نبيرى و كۆمه‌لايه‌تى ل دهۆكێ كر.
ئه‌ڤه ده‌قێ په‌يامێ يه:
ب هەلکەفتا بۆرینا (32) سالان ل سەر دامەزراندنا بنگەهێ لالش یێ ڕەوشەنبیری و کۆمەلایەتی ل ژێر دروشمێ (لالش کانیەکا زەلالە دهورتە د ڕۆبارێ ڕەوشەنبیریا کوردی دا) ل باژێرێ دهۆکا داسنیا، گه‌رمترين و جوانترين پيرۆزباهيان ئاراسته‌ى دەستەیا بلند و تەڤایا ئەندام و لایەنگرێن بنگەهى دكه‌ين.
دامەزراندنا بنگەهێ لالش وەرچەرخانەکا دیرۆکی یا گرنگ بوو ژبۆ جڤاکا ئێزدیان ل کوردستانێ و سەرانسەری جیهانێ و هەروەكا پێنگاڤەکا پێشکەفتی و سەردەمی بوو کو ل دەمەکی گونجایی و دگەل چریسکا ئازادیا کوردستانێ دەست ب کار بوویی و ڕەوشەنبیریا وەلاتێ مە پێ ڕۆن و گەش بووی.
رۆلێ بنگەهێ لالش دخۆرتکرنا پێکڤەژیانا ئاشتیانە بلند دنرخینین و خزمەتەكا بەرچاڤ و مه‌زن دبوارێن جودا جودا پێشكێشی جڤاكا ئێزدیان كریيە.
هیڤیا سەرکەفتنێ ژبۆ کار و ماندیبوونا وان دخوازین و هەر سەرفەراز و سەرکەفتی بن و دووبارە سالڤەگەرا وە پیرۆزبت.