پشتی سەرهەڵدانا پیرۆزە گەلێ كوردستانێ و گەش بوونا چریسكا روناهیێ ل تەڤایە گوند و باژێرێن كوردستانا باشور، ئێزدی ژی بێ بەهر نەبووینە ژ ڤێ چریسكا رۆناهیێ كو بەرهەمێ سەرهەلدانێ ئێكەمین و مەزنترین سازیا ئەكادیمی و رەوشەنبیری بۆ جڤاكە ئێزدی هاتە دامەزراندن ئەوژی سازیاك بوو بناڤێ بنگەهێ لالش كو ب جوانترین دروشم هاتە ناسكرن (لالش كانیەكا زەڵالە دهۆرتە درۆبارێ رەوشەنبیریا كوردی دا)،ئەڤ سازیا رەوشەنبیری و كۆمەلایەتی ل1993/5/12 لسەر دەستێن چەندین خەم خۆر و ماموستا و نڤیسكارێن ئێزدیان هاتە دامەزراندن، مەرەم ژ دامەزراندنا ڤێ سازیێ كۆمكرنا تێكستێن ئۆلی و ناسكرنا كلتۆرێ ئێزدیان و دیاركرنا راستی و پیرۆزیا ئێزدیاتیێ بوو بۆ جیهانێ.
ژ دەستكەڤتێن هەرێن مەزن و گرنگ و د مێژوویا ئێزدیان دا کو وێنە نەبويه ئەوژی دروستكرنا پرۆگرامێ خواندنا بابەتێ ئێزدیاتیێ بوو بۆ قوتابخانێن ل دەڤەرێن ئێزدی نشین ل هەموو قوتابخانەیێن باشورێ كوردستانێ، دەستكەڤتەكا دی یا بنگەهێ لالش ئەوژی دامەزراندنا كەنالەكی تایبەت ب ئێزدیان ڤە كو ئەوژی كەنالێ(sema)یە كو چەندین گەنجێن خودان شیان دبیاڤێن جودا جودا ل ڤی كەنالی خزمەتێ دكەن ژ بۆ نیشاندانا داب و نەریتێن رەسەن یێن ئێزدیانە ل هەموو دەڤەرێن كوردستانێ یێ ئێزدی لێ ژیان دكەن.
