ناڤه‌ندا نووچه‌يان – سه‌ما
ئيرۆ دوشەمبێ، 26ـى چريا ئێكێ 2026، مەسرور بارزانی، سەرۆکێ حکومەتا هەرێما کوردستانێ، ل باژێرێ دهۆکێ، ل گەل ژمارەکا مەزن یا کەساتییێن پێکهاتە و تەخ و چینێن دەڤەرا به‌هدینان کۆمبوو.
سەرۆکێ حکومەتێ ئاماژە ب مێژوویا خەبات و قوربانییدانا پر ژ سەروەری یا خەلکێ دەڤەرێ کر د بزاڤا ڕزگاریخوازی یا گەلێ کوردستانێ دا، و دوپات کر کو حکومەتا هەرێما کوردستانێ ب ئەرکێ سەرەکی یێ خۆ دزانت ب شێوەیەکى شایستە خزمەتا خەلکێ ڤێ دەڤەرێ و هەموو دەڤەرێن دی یێن کوردستانێ بکەت بێی چ جوداهی.
سەرۆکێ حکومەتێ، هەروەسا بەحس ل پێگەهێ گرنگ یێ دەڤەرێ کر ژ ڕوویێ ئابۆری، گەشتوگۆزار و چاندنێ ڤە، و د ڤى چارچۆڤەیى دا ته‌كه‌ز کر کو د چارچۆڤەیێ کارنامەیا حکومەتێ د بوارێ هەمەجۆرکرنا ئابۆری دا، مە گرنگی ب کەرتێ چاندن و بەرهەم و بەروبوومێن ناڤخۆیی دایە و مە کار بۆ هاریکاریکرنا جۆتیارێن کوردستانێ و دیتنا بازاڕی بۆ بەرهەمێن وان کریيە.
پاشان سەرۆکێ حکومەتێ بەرسڤا سەرنج، تێبینی و پێشنیارێن ئامادەبوویان دا.
