سه‌ما
برياره سبه‌ی رۆژ ئێك شه‌مبوويێ 4ى ته‌باخێ،پڕۆژێ سەرۆكێ حكومەتا هەرێمێ یێ پشتەڤانییا دارایی بۆ ڕزگاربوویێن دەستێ داعش بۆ زێدەتری سێ هه‌زار كەسان یێن ژ دەستێ داعش رزگاربووین، دێ چتە دبوارێ بجهئینانێ دا.
ئەو پڕۆژە ژلایێ بنگەهێ لالش ڤە دئێتە جێبەجێكرن و ل هەرچار دەڤەرێن خانكێ، شاریا، شێخان و دێرەبوونێ دێ ئێنە دابەشكرن و ڕزگاربوویێن دەستێ داعشێ دكارن ل وان چار دەڤەران هاریكارییێن خۆ یێن دارایی وەرگرن.
ئەڤ پرۆژە دێ یێ بەردەوام بت و ل داهاتی پشتەڤانییێن دارایی بۆ رزگاربوویان دێ ئێنە زێدەكرن.
پێشتر ب بریارا مەسرور بارزانی و ئامادەبوونا وەزیرێ پەروەردێ یێ حكومەتا هەرێمێ، پرۆژێ ڤەگەریان بۆ قوتابخانێ بۆ رزگاربوویێن دەستێ داعش هاتە ڕاگەهاندن و بریارە ل خواندنا بلند ژی بێتە ڕاگەهاندن، ئەو كەسێن دڤێن ل پەیمانگەهێن حكومی بخوینن دێ بێ بەرامبەر خوینن و ئەوێن دڤێن ل پەیمانگەهێن ئەهلی بخوینن دراڤێ وان ژلایێ حكومەتێ ڤە دێ بۆ ئێتە تەرخانكرن.