30% ئێزدى ل قه‌زا شێخان ماينه
سه‌ما
ل سه‌نته‌رێ قه‌زا شێخان ڕێژه‌يا ئێزديان زۆر كێمبوويه و پتريا وان كۆچكريه ده‌رڤه‌ى وه‌لاتى.
به‌رى سالا2003ێ رێژه‌يا ئێزديان75%،موسلمان 20%،مه‌سيحى 5% بوون.
ئازاد موراد،به‌رپرسێ بنگه‌هێ لالش تايێ شێخان بۆ(سه‌ما)ئاشكه‌راكر:پشتى سالا 2003ێ و ژناڤچوونا رژێما گۆڕ ب گۆڕ گه‌نجێن ئێزدى بتر هزر ل كۆچكرنێ بۆ ده‌رڤه‌ى وه‌لاتى كر و رێژا ئێزديا ل شێخان كێمتر لێ هات،ديسان پشتى هێرشا داعش بۆ سه‌ر شنگال و ده‌ڤه‌رێن دى يێن ئێزديان كۆچكرن پتر زێده‌بوو،د نۆكه دا ئاكنجيێن ئێزدى نێزيكى 25تا 30% ل سه‌نته‌رێ قه‌زايێ ماينه.
ئه‌و چه‌نده ژى رۆنكر،ژبلى كۆچكرنێ خه‌لكه‌كێ دى ژى قه‌ستا قه‌زا شێخان كريه و به‌رفره‌هبوويه،ژبه‌ر ڤێ يه‌كێ ئێزدى كێمبووينه.
ل قه‌زا شێخان هه‌ر ئێك ژ پێكهاتێن ئۆلى يێن ئێزدى و موسلمان و مه‌سيحى ب هه‌ڤرا دژين و ب وارگه‌هێ پێكڤه‌ژيانا ئۆلى دئێته ناسين.