سه‌ما
رۆژانه زێده‌تر ژ 100نه‌خۆشان سه‌ره‌دانا بنگه‌هێ ساخله‌ميێ ل كۆمه‌لگه‌ها شاريا دكه‌ن و ژلايێ نۆژدارن ڤه چاره‌سه‌ريێ وه‌ردگرن.
د.جه‌لال جۆقى، رێڤه‌به‌رێ بنگه‌هێ شاريا يێ ساخله‌ميێ بۆ سه‌ما راگه‌هاند، ل ده‌ما هاتنا ئاواره‌يێن شنگالێ بۆ كۆمه‌لگه‌ها شاريا فشاره‌كا زۆر كه‌فته سه‌ر بنگه‌هێ ساخله‌ميێ و ژمارا نه‌خۆشان به‌ره‌ف زێده‌بوونێ ڤه چوو، رێڤه‌به‌ريا گشتى يا ساخله‌ميا پارێزگه‌ها دهۆكێ هاريكارى به‌رده‌وام پێشكێشكرن تاكو خزمه‌ت و چاره‌سه‌ريا نه‌خۆشان بێته كرن، دنۆكه دا رۆژانه نێزيكى 160نه‌خۆشان ژ خه‌لكێ خوه‌جهـ و ئاواره بۆ وه‌رگرتنا چاره‌سه‌ريێ سه‌ره‌دانا بنگه‌هى دكه‌ن.
جۆقى ئاماژه ب وێ چه‌ندێ دا ل بنگه‌هێ ساخله‌ميێ خزمه‌تێن باش پێشكێشى نه‌خۆشان دكه‌ين، هه‌روه‌سا ئه‌گه‌ر نه‌خۆش پێدڤى بوو ره‌وانه‌ى نه‌خۆشخانێن دهۆك و سێمێلێ دكه‌ين بۆ چاره‌سه‌ريێ.