سه‌ما
سەرۆکێ حکومەتا هەرێما کوردستانێ و سەرۆک وەزیرێ بەرێ یێ تورکیا، پەرەپێدانا پەیوەندیێن ناڤبەرا تورکیا و هەرێما کوردستانێ و دویماهیک رەوشا گشتی یا عیراقێ و دەڤەرێ گەنگەشە کرن.
ئيرۆ ئێک شەمبوويێ 24ى تشرينا 2024ێ، مەسرور بارزانی، سەرۆکێ حکومەتا هەرێما کوردستانێ، پێشوازی ل ئەحمەد داود ئۆغلو، سەرۆکێ پارتا داهاتی و سەرۆک وەزیرێ بەرێ یێ تورکیا کر.
د كۆمبوونێ دا ئەرمان تۆپچوو، کونسولێ گشتی یێ تورکیا ئامادە بوو، پەرەپێدانا پەیوەندیێن تورکیا و هەرێما کوردستانێ و دویماهیک رەوشا گشتی یا عیراقێ و دەڤەرێ هاتە گەنگەشەکرن.
سەرۆکێ پارتا داهاتی، ئاماژە ب گرنگیا پێگەها هەرێما کوردستانێ کر و تەئکید ل سەر بهێزکرنا پەیوەندیێن تورکیا دگەل هەرێما کوردستانێ کر.
ژ ئاليێ خۆ ڤه سەرۆکێ حکومه‌تا هەرێما کوردستانێ خواستا خۆ بۆ پێشڤەبرنا پەیوەندیان دگەل کۆمارا تورکیا د وارێن جۆراوجۆر دا دووپاتکر.