خودێ ژێ رازى پیر خدر سلێمان، هەلویست و بیرئانین دگەل چەندین کەساتییان هەبوویە، ئێک ژ وان نڤیسەرێ ب ناڤ و دەنگ خودێ ژێ رازی قەناتێ کوردی یە.
جان بوهشتی ل زڤستانا سالا 2019 د سمینارەکێ دە وەسا دبێژت: رۆژەکێ ل زانینگەها بەغدایێ ل پارا زمان و ئەدەبیاتا کوردی مامۆستایێ مە گۆت مرۆڤەکی وە هاتییە و دخوازە وە ببینە، ئەم د هۆلەکێ دە جڤیان، مە دیت ئەو میرۆیێ ئەسەدە ژ ئەرمەنستانێ هاتییە و بەرپرسێ رۆژناما ریا تازەیە.
وی ژ مەرە بەحسێ وێژەیا کوردی ل سۆفیەتێ کر و گۆت قەناتێ کوردۆ مامۆستایێ مەیە، وی دەمی من هنەک زانیاری ل سەر پێشڤەچوونا وێژەیا کوردی ل سۆفیەتێ هەبوون و من ناڤ و نیشانێ قەناتێ کوردۆ ب دەست خوەڤە ئانی و من نامەک ژ بۆ وی نڤیساند کو ئەز خۆرتەکی ئێزدی مە، خوێندەڤانم و هەلبەستان دنڤیسم، من قەد باوەرنەدکر ئەو زانایێ مەزن وی دەمی نامەیا من ببینە و بەرسڤ بدە، بەلێ ب دەمەکی نێزیک بەرسڤا من دا و من نامە ژ وی وەرگرت، د وێ نامێ دە وی کەیف خوەشیا خوە بۆ خواندنا مە گەنجێن ئێزدیان دیار کر و داخوازکربوو ئەز وان کارین دن بەتال بکم و ژ زمانێن ئۆلداران نڤیسار و تێکستێن ئێزدیاتیێ ڤە مژول ببم و بەرهەڤ بکم، ناما وی ژیانا من گوهەرت و بەرێ من دا کارەکی هەری ب رومەت و هێژا ئەوژی باوەریا باب و کالا ئێزدیاتی و ئێزدیناسیێ بوو، وی دەمی کارێ نڤیساندنا تێکستێکن ئۆلی کارەکی ئاسان نەبوو، پشتی وی دەمی مە ناما قەناتێ کوردۆ برە جەم بابە شێخێ بەرێ و ئەو کێف خۆش دبە و ڤێ نامێ ب دلەکی مەزن قەبوول دکە.
