سه‌ما
ل ده‌ستپێكا مه‌ها بێت و ب پشكداريا خلمه‌تكاران رێوره‌سمێن چنینا زەیتوونان ل پەرستگەها لالش دێ ده‌ست پێ كه‌ن.
ئێك شه‌مبوويێ 16ى تشرينا دووێ 2024ێ،لوقمان سلێمان، به‌رپرسێ راگه‌هاندنا په‌رستگه‌ها لالش بۆ سه‌ما دياركر، دارا زەيتوونێ د باوەريا ئێزديان دا يا پيرۆزە دبێژن دارا زەيتوونێ ب ئاڤا ئەيوانێ ھاتيە ئاڤدان لەوا ھەر يا كەسكە سالێ دوازدە ھەيڤان ، ھلكرنا ڤێ ژمارا چرا ژى دا رۆناھى ب شەڤ و رۆژ ھەبت بۆ پەروەستەكرنا خودێ تەعالا و رێورەسمێن دئێنە كرن ل لالش ژبەر كو ب شەڤ ھەميێ پەروەستە دبوون خاس و باب چاكێن سەر دەمێ شيخادى و گۆت:” ل ده‌ستپێكا مه‌ها 12يا ئيساله پرۆسه‌يا چنينا زه‌يتونا ب ئاماده‌بوونا خلمه‌تكاران بۆ ماوێ هه‌فت رۆژان ب رێورەسم دئێنە ب رێڤەبرن”.
د باوەريا ئێزديان دا چرا نيشانا رۆژێ يە ل پەرستگەھا لالش (366) خەتيرە و چرايێن خاسا و باب چاكا دئێنە ڤێخستن
گۆتژى: ئەڤ چنينا زەيتونان ل لالش ل چيايێ عەره‌فات دارێن زەيتونان يێن هه‌ين ل ڤى دەمێ سالێ ل دوماهیا ھەيڤا يازدە ھەر سال كەسێن شكەستى يێن مالا شيخادى و خێرخوازێن ئێزدى ژن و زەلام ئەوێن دڤێن خێرەكێ بكەن بۆ مالا شيخادى قەستا لالش دكەن بۆ پشكداريا ڤێ خێرا پيرۆز،ئەڤ چنين پشتى بابێ چاويش يان شكەستيەكى مالا شيخادى فەرمانێ ددەت كو دەست ب چنينێ بكەن و سێ جاران ب دەنگەكى بلند گازى دكەت ودبێژت( ھێ وەرن خێرا چنينا زيتونان)، ژ نوو ھەمو پێكڤە ب دەستورى ناڤێ خودێ و ب رێورەسم دەست ب كار دبن.
ئاماژە ب وێ چه‌ندێ دا،،ھلكرنا چرا ژى نيشانا رۆژێ يە و بەردەواميا ژين و ژيارا مرۆڤى يە ب شەڤ و رۆژ ، هژمارا خەتيرا ژى كو (366)خەتيرن، رامانا رۆژێن سالێ يە ھەر فتيلەك ل سەر بنەمايێ رۆژەكێ ژ سالێ د ئێنە ڤێخستن ھەتا سال تەمام دبت.
لوقمان سلێمان دا زانين، ھەتا ھەر ھەفت رۆژ ب داوى دئێن و ل داويا كارى دێ ھەموو زەيتوونان خرڤەكەن ل خزينەكى ھەتا ھەيڤا سێ ل بھارێ ل رۆژێن (16-17-18)ى ژ رۆژ مێرا روژھەلاتى دێ جارەكا دى ڤان زەيتونان ھەموويان ب رێورەسم و ب حازريا بابا شێخ و جڤاتا رۆحانى و ھەموو شكەستى و خێرخوازێن ئێزدى دێ دەست ب دەرئێخستنا ڤان زەيتونان كەن وجارەكا دى دێ پاقژكەن و ب ئاڤاكا كانيا سپى باك و تەميز كەن و دێ كەنە زەيت بۆ چرايێن لالش و دڤێت ئەڤ زەيته ژ زەيتونێن گەليێ لالش بت.
ل په‌رستگه‌ها لالش به‌رهه‌مێ 700 دارێن زه‌یتونان دبیه زه‌یت بۆ ڤێخستنا چرایێن لالش.