ناڤه‌ندا نوچه‌یان-سه‌ما
ب هه‌لكه‌فتا نێزیكبوونا جه‌ژنا سه‌رێ سالێ یا ئێزدییان سعود مستۆ رێڤه‌به‌رێ گشتی یێ كاروبارێن ئێزدیان بۆ سه‌ما ڕاگه‌هاند: پێشوه‌خت جه‌ژنا سه‌رێ سالێ یا ئێزدییان ل هه‌موو كوردێن ئێزدی پیرۆز دكه‌ین و دخوازین ژبلی ڤی ناڤی چ ناڤێن دی نه‌ئێنه ب كارئینان.
گۆتژی، مه نڤیسیاره‌ك دایه فه‌رمانگه‌ها میدیا و زانیارییا حكومه‌تا هه‌رێما كوردستانێ و مه تێدا دیاركرییه د سالێن بۆری دا كه‌نالێن ڕاگه‌هاندنێ ئه‌ڤ جه‌ژنا ب (چارشه‌مبا سۆر) ب ناڤدكرن، د ڕادگه‌هینن ڤێ چه‌ندێ هیچ په‌یوه‌ندییه‌ك ب ئێزدیان ڤه نینه چنكو ئه‌ڤه جه‌ژنا سه‌رێ سالا ئێزدیانه.
ل رێكه‌فتی 16/4/2025 رۆژا چارشه‌مبێ جه‌ژنا سه‌رێ سالا ئێزدییایه و هه‌روه‌سان هێڤارا جه‌ژنێ ل په‌رستگه‌ها پیرۆزا لالش ب ئاماده‌بوونا جڤاتا روحانی و ژماره‌یه‌كا زۆر ژ ئێزدیان ب چه‌ندین رێ و ره‌سمێن تایبه‌ت دێ ئێـته گێران.
