بنگه‌هێ لالش یێ ره‌وشه‌نبیری و كۆمه‌لایه‌تی ب هه‌لكه‌فتا سالڤه‌گه‌را دامه‌زراندنا ئێكه‌مین رۆژنامه‌گه‌رییا كوردی په‌یامه‌ك به‌لاڤكر.
ده‌قێ په‌یامێ:
سلاڤێن گەرم
ل رێكه‌فتی 22ی نیسانا 1898ێ ئێكه‌مین رۆژناما كوردی د مێژوویا گه‌لێ كورد ب ناڤێ كوردستان هاته ده‌رخستن، ب ڤێ هه‌لكه‌فتێ گه‌رمترین پیرۆزباهییان ئاراسته‌ی ته‌ڤایا ئازادیخواز و ره‌وشه‌نبیر و نڤیسه‌ر و رۆژنامه‌ڤانێن كوردستانێ دكه‌ین.
ئەڤ رۆژنامە بوو بنگەهـه‌ك ژ بۆ پێشڤەچوونا رەوشەنبیریێ و هشیاریا نەتەوەیی یا کوردی، و هه‌روه‌سان كوردێن ئێزدی به‌شه‌كێ ڤه‌نه‌قه‌تیایی یا كاروانێ رۆژنامه‌گه‌رییا كوردینه و كارینه كه‌لتوور و فلكلۆر و داب و نه‌ریت و ئێش و نالێن خۆ یێن كۆمه‌لایه‌تی و ئایينی و تراژیدی ب ڕێیا ڕاگه‌هاندنا كوردی پێشانی هه‌موو جڤاكێن كوردستانی و جیهانێ بده‌ن.
دووباره سالیادا رۆژنامه‌گه‌رییا كوردی پیرۆز بت.
بنگه‌هێ لالش یێ ره‌وشه‌نبیری و كۆمه‌ڵایه‌تی/دهۆك
21/4/2025