ناڤهندا نووچهيان – سهما
پارێزگارێ دهۆكێ ئاماژه ب وێ چهندێ دا، رهوشا شنگالێ ههتا نوكه ئاسايى نهبوويه و بجهئينانا ڕێككهفتنا شنگالێ تاكه چارهيه بۆ ڤهگهڕيانا ئاوارهيان بۆ سهر دهڤهرێن خۆ.
د. عهلى تهتهر، پارێزگارێ دهۆكێ، ئيڕۆ سێ شهمبوويێ، 21ـى چریا ئێكێ 2025، د كۆنفرانسهكێ ڕۆژنامهڤانى دا ڕاگههاند: هێشتا پتريا ئاوارهيێن ل پارێزگهها دهۆكێ ئاكنجى خهڵكێ قهزا شنگالێ نه، ژبهر نهبوونا خزمهتگۆزاريان و ميليشيايێن ژ دهرڤهى ياسايێ، خهڵك ههست ب باوهرى و ئێمناهيێ ناكهن لهوا ناڤهگهرنه سهر جى و وارێن خۆڤه و ڕهوشا دهڤهرێ ژى هێشتا ئاسايى نهبوويه.
دهربارهى ڕێككهفتنا شنگالێ، پارێزگارێ دهۆكێ ئاشكراكر:” هێشتا ڕێككهفتنا شنگالێ دناڤبهرا ههولێر و بهغدا دا ل دۆر ئاساييكرنا ڕهوشا دهڤهرێ وهكو نههاتيه بجهئينان، ههروهسا ههردهما ئهو ڕێككهفتن بجيهات دوێ باوهريێ داينه كو پتريا ئاوارهيان ل پارێزگهها دهۆكێ دووباره ڤهگهرنه سهر دهڤهرێن خۆ يێن ڕهسهن ڤه.”
ههروهسا دووپاتكر، ههتا ئاواره ب ئارهزوومهندانه نهڤهگهڕنه ڤه، ههر دێ مينن و ل سهر هاريكاريكرنا وان ژى دێ دبهردهوام بين.
ئاوارەیێن شنگالێ چهندين ساڵن د ڕهوشهكا سهخت دا، ل 14 کەمپان ل سنوورێ پارێزگهها دهۆكێ و ئيدارا سهربهخۆيا زاخۆ دژین.