ناڤەندا نووچەیان – سەما
د. خەلەف شنگالی، شێوەرمەندێ سەرۆکوەزیرێن عێراقێ بۆ کاروبارێن ئێزدییان ڕاگەهاند، وەزارەتا پلاندانانێ ڕەزامەندی ل سەر دوبارە دابەشکرن و هەژمارتنا ئاوارە و کۆچبەران د چارچۆڤێ پارێزگەهێن خۆ یێن ڕەسەن دا دایە ئەوێن ژێ ئاوارەبووین، ل دووڤ بڕیارا سەرۆکایەتییا وەزیران.
شنگالی د داخویانیەکێ دا بۆ سەما تیڤی گۆت: لدووڤ ڕاسپاردەیێن نڤیسینگەها سەرۆکوەزیران دەربارەی هەژمارتنا ئاوارە و کۆچبەرێن قەزا شنگالێ و ناحیەیا گرعزێر د چارچۆڤێ دەڤەرێن خۆ یێن ڕەسەن دا ئەڤ پێنگاڤە هاتییە کرن، کو دێ دیمۆگرافیا دەڤەرێ ب شێوەیەکی ڕاست و دروست تر د ئەنجامێن سەرژمێریێ دا دەتە دیارکرن.
هەروەسا رۆنکر ژی، ئەڤ پێنگاڤە بۆ هندێ یە داتایێن دروست و گشتگیر یێن ئاکنجییان ل بەر دەست بکەت و ئاسانکنرییە بۆ پڕۆسەیا دبارە ئاڤەدانی و دابینکرنا خزمەتگۆزارییان بۆ دەڤەرێ.