ناڤەندا نووچەیان – سەما
د چارچۆڤێ بزاڤێن بەردەوام بۆ هاریکاریکرنا ئاوارەیان، دەزگەهێ خێرخوازی یێ بارزانی ب هەماهەنگی دگەل وەزارەتا کۆچ و کۆچبەرێن عێراقێ، دەست ب بەلاڤکرنا گازا سپی ل کەمپا خانکێ کر.
ب گۆڕەیی ڕاگەهاندنا دەزگەهێ خێرخوازی یێ بارزانی، ل چەند ڕۆژێن بۆری ل کەمپا خانکێ یا ئاوارەیێن شنگالێ سەر ب پارێزگەها دهۆکێ ڤە، گازا سپی ب سەر 2,116 خێزانێن ئاوارە دا هاتە بەلاڤ کرن.
د ڤێ هەوێ دا، ب شێوەیەکێ ڕێکخستی هەر خێزانەکێ 100 لیترێن گازێ وەرگرتن. سەرجەێ گشتی یا وێ گازا هاتییە بەلاڤ کرن گەهشتە 211,600 لیتران.
ئەڤ پێنگاڤە د دەمەکێ دایە کو هێشتا پێدڤییا ئاوارەیان ب سۆتەمەنیێ یا هەی بۆ ب ڕێڤەبرنا ژیانا خۆ یا ڕۆژانە و خۆپاراستن ژ سەرمایێ.