ناڤه‌ندا نووچه‌يان – سه‌ما
ئيرۆ سێ شه‌مبوويێ 8-4-2025، رزگاربوويێن ئێزدى ژ ده‌ستێ داعشێ مينحه‌يا مه‌ها سێ يا سه‌رۆكوه‌زيران مه‌سرور بارزانى ل كۆمه‌لگه‌ها شاريا وه‌رگرتن.
ل دووڤ ليستا بۆ دابه‌شكرنێ هاتيه به‌لاڤكرن، دووشه‌مبوويێ تا پێنج شه‌مبوويێ ل قه‌زا شێخان ئاڤاهيێ بنگه‌هێ لالش، كۆمه‌ڵگه‌ها شاريا، ناحيا خانكێ، كۆمه‌لگه‌ها دێره‌بوونێ دێ ئێته دابه‌شكرن.
ل رۆژێن شەمبوو و ئێک شەمبوويێ 12،13-4-2025 دێ ل بارەگایێ بنگەهێ لالش – دهۆک ئێتە دابەشکرن.
مینحه‌يا دارایی بۆ (٣٥٧٥) رزگاربوويێن دەستێ داعش، ب ڕێكا بنگەهێ لالش يێ ره‌وشه‌نبیری و كۆمەڵایەتی دئێته دابەشكرن.
ل مه‌ها ٨يا سالا ٢٠٢٤وه‌ره مینحەیا دارایی ب شێوێ مه‌هانه دئێته دابه‌شكرن.
مفادارێن ڤى پرۆژه‌يى سوپاسیا جەنابێ سەرۆكێ حكومەتا هەرێما كوردستانێ دكەن، بۆ ڤێ پشته‌ڤانيا دارایی، ب تایبەتی كو ب سیسته‌مه‌كى رێكوپێك ژلایێ لیژنەیەكا دڵسۆز ڤه، خزمەتا وان دكه‌ن.
ئەڤ پرۆژێ رێزدار مەسرور بارزانی، ل قۆناغا ئێكێ دا بۆ هندێ بوو، بارێ دارايى يێ رزگاربوويان باشتر بكه‌ن و ل سه‌ر خۆ بن، و پاشى ڤه‌گه‌ڕنه خواندنێ و شيانێن وان پێشڤه‌ببه‌ن.
