ناڤهندا نووچهيان – سهما
ئيڕۆ ئيك شهمبوويێ،7ـی ئەیلوولا 2025، هاريكارييا دارايى يا ڕێزدار مهسرور بارزانى، سهرۆكێ حكومهتا ههرێما كوردستانێ ل سهر نێزيكى هزار قوتابيێن شنگالێ هاته بهڵاڤكرن.
مهيسهر حهجى، رێڤهبهرێ پهروهردا شنگال يا خواندانا زمانێ كوردى، بۆ سهما ڕاگههاند: سالانە بۆ پشتەڤانیيا قوتابیێن شنگالێ کو ئەزموونێن پۆلا ١٢ێ ئامادەیی ل دهۆکێ ئەنجام ددەن، هاريكارييا دارايى ژلايێ سهرۆكێ حكومهتا ههرێما كوردستانێ ڤه بۆ قوتابيان دئێته دابينكرن و ئيڕۆ 113 مليۆن و 20 هزار دينارێن عێراقى بۆ خەرجیێن هاتنوچوونا قوتابیێن شنگالێ ودەوروبەران هاتنه بهڵاڤكرن.
گۆتژى: ئهڤ پشتهڤانييا دارايى بۆ سالا 2024_2025 هاتیە بهڵاڤكرن و قوتابيێن پۆلا 12ێ ئامادهيى دێ مفايى ژێ بينن.
دووپاتكر، كابينهيا نههێ يا حكومهتا ههرێما كوردستانێ و تانوكه گرنگييهگا تايبهت و ب ههموو شێوهيان پشتهڤانييا قوتابيێن شنگالێ و كهرتێ پهروهردێ دكهت.