ناڤهندا نووچهيان – سهما
مير حازم تهحسين بهگ، ميرێ ئێزديان ل كوردستان، عێراق و جيهانێ ب سهرهدانهكێ ل وهڵاتێ بريتانيايه و كۆمبوونێن گرنگ و بهرههمدار ل گهل بهرپرسێن حكومى ئهنجامدان.
نڤيسينگهها جڤاتا ڕۆحانى يا بلند يا ئێزديان بهڵاڤكرييه، دچارچووڤێ سهرهدانا خۆ يا چهند ڕۆژى دا بۆ وهلاتێ بريتانيا، دوهى ئينيێ 11 ـی تهموزا2025، مير حازم تهحسين بهگ، ميرێ ئێزديان ل گهڵ دەیڤد سمیس هنارتيێ حکومەتا بریتانیا بۆ ئازادیا ئایينان و باوەڕان كۆمبوو.
د كۆمبوونێ دا، ميرى بهحسێ ئهوان زيانێن مهزن يێن بسهرێ جڤاكا ئێزدى هاتين ل سهر دهستێ ڕێكخراوا داعش يا تيرۆرستى ل دهمێ هێرشى قهزا شنگالێ كرى ل 3ى تهباخا 2014و كۆمكووژى دهرههقێ ئێزديان دا ئهنجامدايى.
رۆنكر ژى: هێرشا داعش يا تيرۆرى ب ههزاران كوشتى ژ ژن و زارۆك و زهلامان ل پاش خۆ هێلان، زێدهبارى ڕهڤاندنا ب ههزاران ژنان بۆ فرۆتنێ ل بازاڕان دا، هێشتا پترى 2600كچ و ژنێن ڕهڤانديێن ئێزدى بێسهروشوونن و پێدڤى ب پشتهڤانيهكا نێڤدهوڵهتى ههيه بۆ لێگهريانێ و دووباره ڤهگهڕيانا وان بۆ ناڤ كهسوكارێن خۆ.
ميرى دووپاتكر، جينۆسايدل دژى ئێزديان هێشتا يا بهردهوامه و دهڤهرێن مه پێدڤى ب پشتهڤانى و ئارامى و سهقامگيريا زێدهترن و ڕهخساندنا دهليڤهيێن كارى بۆ گهنجان ههيه، پتريا ئاوارهيێن شنگالێ ل كهمپان نهڤهگهڕياينه و ڕهوشهكا پهريشان دا دژين.
د لايهكێ دى دا، ميرى بهحسێ گرنگيا پشتگيريا سهقامگيرى و ئاساييشا دهڤهرا شنگالێ ژ ڕوويێ سياسى و ئيدارى و خزمهتگۆزاريێن سهرهكى كر، ههتا كو تاكێ ئێزدى دڵنيا بن و دووباره ڤهگهڕنه دهڤهرێن خۆ.
دووپاتكر، دخوازين لێكتێگههشتنهكا تهمام دناڤبهرا بهغدا و ههولێرێ دا دروست ببت، ژبۆ ديتنا ڕێگه چارهيهيان بۆ ڕهوشا شنگالێ.
گۆتژى: گرنگە پشتگیریا بزاڤێن ناڤخۆیی و نێڤدەوڵەتی بێته كرن بۆ لێگهريانا ڕهڤاندييان كو هێشتا ل بن ستهما ڕێكخراوا تيرۆرى دا دناڵن.
ههر د پهيڤا خۆ دا ميرى داخوازكر حكومهتا بريتانيا ڕۆلێ خۆ ههبت بۆ چارهكرنا كێشهيێن ههڵاويستى دناڤبهرا حكومهتا بهغدا و ههولێرێ دا، ب تايبهت پرسا دابينكرنا مووچهيێ فهرمانبهرێن ههرێما كوردستانێ.
ههر د پهراوێزا سهرهدانا خۆ دا بۆ وهڵاتى بريتانيا، ميرێ ئێزديان ل گهڵ لورد كولينس، نوونهرێ سهرۆكوهزيرێن بريتانيا بۆ بهرههنگاربوونا توندوتيژيا جهستهيى ل دهمێ شهڕان و وهزيرێ مافێ مرۆڤى كۆمبوو.