ناڤەندا نووچەیان – سەما
سەرۆك بارزانی، ئۆمێدەوارە كابینەیا دەهێ یا حكومەتا هەرێما كوردستانێ بەری هەڵبژارتنێن پەرلەمانێ عێراقێ بێتە پێكئینان. دەربارەی هەڵبژارتنان تەكەزكر، هەر كەسەكێ ئازادە د دەنگدانێ دا، لێ گرنگە ڕەچاوا وێ خزمەتێ بێتە كرن یا كو پێشكێشی باژێرێن كوردستانێ هاتیە كرن.
ئیڕۆ ڕۆژا شەمبوویێ،18ـی چریا ئێكێ 2025، سەرۆك مەسعود بارزانی ل هەولێرێ دگەل مامۆستا و زانایێن ئایینێ ئیسلامێ و كەسایەتیێن پێكهاتەیێن دی یێن ئایینی یێن هەرێما كوردستانێ كۆمبوو و بەحسا پێكڤەژیانێ ل كوردستانێ كر.
سەرۆك بارزانی د پەیامەكێ دا گۆت: كەلتوورێ پێكڤەژیانێ ژ باب و باپیرێن مە بۆ مە مایە، و دیتنا هەوە ب پێكڤە جوانترین نموونەیا ڕەنگینیا كوردستانێ نیشا جیهانێ دایە.
هەروەسا گۆت: دەمێ تیرۆر هاتی، جوداهی د ناڤبەرا ئایینان دا نەكریە، لەوا نابت ئەم ژی جوداهیێ بكەین، و بتنێ ب ئێكبوون و پێكڤەبوونێ دكارین بەرامبەر هەموو ئالنگارییان ب ڕاوەستین.
سەرۆك بارزانی، ئۆمێدەوارین ئەڤ فەرهەنگا پێكڤەژیانێ بەردەوام بت و پتر بچەسپت. گۆتژی: گەلەك پیلان ل دژی ئەڤێ هەرێمێ دئێنە دروستكرن، ب درێژاهیا مێژوویێ ئەڤە سیاسەتا دەستهەلاتێن عێراقێ بوویە.
سەرۆك بارزانی د درێژاهیا گۆتنێن خۆ دا بەحس ل وێ چەندێ كر، دوژمن ب هەموو ڕێیان دخوازن كەلتوورێ ڕەسەنێ كوردەواریێ تێك بدەن، لێ ب پشتەڤانیا خودێ و ئێكگرتنا هەوە ئەم دێ ڤان هەنگاڤێن نامۆ ژناڤ ببەین.
ل دۆر گۆتارا ناڤەندی، سەرۆك بارزانی داخواز كر: گرنگە زانایێن ئایینی پتر ڕۆلێ خۆ ببینن، بۆ ئینتیما خاك و حەز ژێكرنا وەڵاتی، هەروەسا بۆ ڕووبڕبوونا ماددەیێن هۆشبەر كو ئافەتا سەردەمە و كاری ل سەر تێكدانا گەنجێن مە دكەت بۆ هندێ پێنگاڤەكا پێدڤییە و ئەڤە كارێ هەموو ئاینانە.
دەربارەی هەڵبژارتنان گۆت: هەر كەسەكێ ئازادە د دەنگدانێ دا، لێ گرنگە ڕەچاوا وێ خزمەتێ بێتە كرن یا كو پێشكێشی باژێرێن كوردستانێ هاتیە كرن.
سەرۆك بارزانی ڕاگەهاند: كوردستان هەموو بزاڤەكێ ددەت داكو د پاشەرۆژێ دا دگەل وان بت یێن كو ئاشنای مافێن خەڵكێ كوردستانێ نە و بجهـ دئینن.
هەروەسا سەرۆك بارزانی پڕ ب دل و جان سوپاسیا خەڵكێ كوردستانێ دكەم، كو خۆڕاگر بوون بەرامبەر زولما برینا نانێ وان ، و سەرەڕای هەموو تێبینییان، بۆ بەرژەوەندیا كوردستانێ مە پشكداری د هەڵبژارتنان دا كریە.
