ناڤەندا نووچەیان – سەما
سەرۆک بارزانی پەیامەکا پیرۆزباهییێ ب هەلکەفتا جەژنا(ڕۆژیێن ئێزی) ئاراستەی خوشک و برایێن ئێزدی دکەت و دبێژت: جهێ شانازیێ یە کوردستان وەلاتێ برایەتی و پێکڤەژیان و ئاشتیخوازیێ یە دناڤبەرا پێکهاتە و ئۆل و نەتەوەیان.
ئەڤە دەقێ پەیاما سەرۆک بارزانی:
ب ناڤی خودێ مەزن و دلۆڤان
ب هەلكەفتا هاتنا جەژنا (ڕۆژیێن ئێزی) پیرۆزباهیەكا گەرم ل خوشك و برایێت ئێزیدی ل كوردستانێ و هەمی جیهانێ دكەم.
هیڤیدارم ئەڤ جەژنە خوەشی و بەختەوەرییێ بۆ تەڤایا خوشك و برایێت ئێزیدی بهینیت و خوشك و برایێت ئێزیدی هەمی جەژن و هەلكەفتێن خۆ ب ئارامی و دلخۆشی بگێڕن.
جهێ شانازیێیە كو كوردستان وڵاتێ برایەتی و پێكڤەژیان و ئاشتیخوازیێیە دناڤبەرا هەمی پێكهاتێت ئایینی و نەتەوەیی و پێتڤیە ئەڤ فەرهەنگە كوورتر و بەرفرەهتر ببیت.
بمینن د خێر و خۆشییان دا.
مسعود بارزانی
18ی کانوونا ئێکێ 2025