ناڤەندا نووچەیان – سەما
بڕياره ل ههفتيا بێت شاندهك ژ بهغدا سهرهدانا ههرێما كوردستانێ بكهت بۆ پشتهڤانييا قهرهبووكرنا زيانڤێكهفتييێن ئاگرێ كهمپا باجد كهندالا ل ئيدارهيا سهربهخۆيا زاخۆ كو نێزيكى 30دكانان هاتنه سۆتن.
د. خهلهف شنگالى، شێوهرمهندێ سهرۆكوهزيرێن عێراقێ بۆ كاروبارێن ئێزدييان د داخويانيهكا تايبهت دا بۆ سهما، دهربارهى قهرهبووكرنا زيانڤێكهفتييان گۆت: شاندهك ژ بهغدا ب ههماههنگى دگهل لايهنێن پهيوهنديدار دێ سهرهدانا ههرێما كوردستانێ كهت بۆ هندێ ژ نێزيك ڤه زيانێن ب ئاوارهيان ل كهمپا باجد كهنالا كهفتين ببينن.
شنگالى رۆنكر، ل دهمێ چێبوونا بوويهرا ئاگربهربوونێ ب ههماههنگى ل گهل حكومهتا ههريما كوردستانێ دووڤچۆنا بابهتى دكهين بۆ قهرهبووكرنا زيانڤێكهفتييان و ل سهر داخوازا مه ئهڤ شانده هاته پێكئينان كو دێ ل گهل خودانێن دكانان، كارگێريا كهمپێ و بهرگرييا شارستانى كۆم بن دهربارهى زيانان.
دا زانين ژى ئهڤ شانده پێكدئێت ژ شێوهرمهندێ سهرۆكوهزيرێن عێراقێ بۆ كاروبارێن ئێزدييان و نوونهرێن وهزارهتا دارايى يا حكومهتا فيدڕال و لايهنێن پهيوهنديدار، ل سهر رهزامهندييا سهرۆكوهزيرێن عێراقێ دێ پشتهڤانييا قهرهبووكرنێ پێشكێشى خودانێن دكانان كهن.
ل ڕێككهفتى 27-12-2025، ئاگربهربوو نێزيكى 30 دكانێن ئاوارهيێن ئێزدى ل كهمپا باجد كهندالا و زيانێن مادى يێن مهزن ب وان كهفتن.