ناڤهندا نووچهیان – سهما
ڕێڤەبەریا گشتی یا سهقاناسى و بيڤهلهرزان ل هەرێما کوردستانێ ڕاگەهاند، ژ ئيشەڤە و پێدا بارانبارین ل هەموو دەڤەران دەستپێدکەت و دئێتە پێشبینیکرن کو ڕێژەیەکا زۆر يا بارانێ ببارت، هەڤدەم پلەیێن گەرمێ ژی ب شێوەیەکى بەرچاڤ دێ بەرەف نزمبوونێ ڤه چن.
ل دووڤ پێشبینیێن سهقاناسييێ، ژ ئيرۆ پێنج شەمبوويێ 19ی ئادارا 2026 و پێدا، ئاسمانێ هەرێمێ دێ کەفتە بن کارتێکرنا هەردوو نزمەپەستانێن دەریایا سۆر و دەریایا ناڤەڕاست. ئاسمان ب گشتی دێ پارچە عەور و عەورێن تەمام بت و ئەگەرێ بلندبوونا تۆزەکا سڤك ژی هەیە.
سهقاناسييێ ئاماژە ب وێ چەندێ دا، کو ژ دەمژمێرێن ئێڤاریا ئيرۆ و پێدا، نمەباران ل دەڤەرێن سنووری یێن ڕۆژئاڤا و باشوورێ هەرێمێ دەستپێدکەت و پاشان کارتێکرنا وێ دێ گەهتە هەموو دەڤەرێن دی. ل دەمێن شەڤێ بارانبارین دێ زێدەتر لێ ئێت و دبتە بارانەکا بەردەوام، پێشبینی ژی دئێتەکرن کو ڕێژهيهكا زۆر ببارت و کارتێکرنا وێ هەتا سبا ئينیێ بەردەوام بت.