ناڤه‌ندا نووچه‌يان – سه‌ما
وەزارەتا ناڤخۆ یا حکومەتا هەرێما کوردستانێ ب نیگەرانی ڤە چاڤدێریا وان تێگەهشتنان دکەت یێن حکومەتا فیدڕال دەربارەی دۆخێ شنگال، ب شێوەیەکێ تاکلایەن و بێ ڕاوێژکرن ل گەل حکومەتا هەرێما کوردستانێ ئەنجام ددەت.
وەزارەتا ناڤخۆ یا حکومەتا هەرێما کوردستانێ د ڕاگه‌هاندنه‌كێ دا به‌لاڤكر، تەکەز دکەینەڤە کو هەر پێنگاڤەکا ب ڤی ڕەنگی، دژی ڕێککەفتننامەیا شنگالێ یە، یا کو د تشرینا ئێکێ ل سالا 2020ێ دا ب سەرپەرشتییا نەتەوەیێن ئێکگرتی هاتییە ئیمزا کرن.
وەزارەتا ناڤخۆ قوربانیدانا هێزێن پێشمەرگەی ل بیرا هەموو ئالییان دئینیت و دبێژت، ” شنگال و چیایێ شنگالێ ب خوونا سۆر یا 500 شەهید و 3000 برینداران ژ پێشمەرگەیێن قەهرەمان هاتییە ئازاد کرن، و پێدڤییە ڕێز ل وێ قوربانیدان و خەباتێ بێتە گرتن.”
د پشكه‌كا دى يا ڕاگه‌هاندنێ دا هاتييه، دەستپێکرنا ئاڤەدانییێ و جهگرکرنا ئێمناهییێ مەرجێن سەرەکینە بۆ زڤڕینا خۆ دل و ب شانازی یا سەدان هەزار خوشک و برایێن ئێزدی یە بۆ سەر مال و حالێ خۆ، ڕێچارەیا دروست تنێ بجهئينانا تەمامییا ڕێککەڤتننامەیا شنگالێ یە.
وه‌زاره‌تا ناڤخۆ داخوازێ ژ حکومەتا فیدڕال دکەین کو پابەندی ڕێککەفتننامەیا شنگالێ ببت، هەکە بجهئینانا ڕێککەفتننامەیا شنگالێ زەحمەتە دا بزڤڕینە سەر بۆچۆن و حەزا خەلکێ شنگالێ، ب تایبەتی ئێزدییان؛ کی ل بەر وان باشە و چ ل بەر وان باشە بلا ئەو بڕیارێ ل سەر بدەن.