Daxuyaniya Hevbeş a Pêkhateyan: Êrîşên li ser Herêma Kurdistanê bi Tundî Hatin Şermezarkirin

SEMA – HEWLÊR

Piştî civîneke şêwirmendiyê ya ku di 31ê Adara 2026an de bi nûnerên rêxistinên civaka sivîl ên pêkhateyên etnîkî û olî re hate lidarxistin, daxuyaniyeke hevbeş derbarê rewşa dawî ya Herêma Kurdistanê de hate belavkirin.

Di civînê de ku li ser pêşketinên dawî û rewşa pêkhateyan hate sekinandin, ev xalên sereke hatin destnîşankirin:

Şermezarkirina Êrîşan

Pêkhateyan bi tundî êrîşên komên tundrew û neqanûnî yên li ser Herêma Kurdistanê û hêzên Pêşmerge, bi taybetî êrîşên li ser bajarê Hewlêrê şermezar kirin. Her wiha, êrîşa li ser mala Serokê Herêma Kurdistanê, Birêz Nêçîrvan Barzanî, wek çalakiyeke nexwestî hate pênasekirin û hate şermezarkirin.

Berpirsiyariya Hikûmeta Iraqê

Di daxuyaniyê de hate xuyakirin ku parastina serweriya Iraqê û rêgirtina li êrîşên neheq ên li ser Herêma Kurdistanê, di bin berpirsiyariya Hikûmeta Federal a Iraqê de ye. Hat daxwazkirin ku rayedarên peywendîdar ên Bexdayê zirarên welatiyan û cihên ku di encama van êrîşan de zirar dîtine, tezmîn bikin.

Piştgiriya ji bo Jiyana Hevbeş

Nûnerên pêkhateyan piştgiriya xwe ya bo helwesta Hikûmeta Herêma Kurdistanê nû kirin û tekezî li ser parastina aştî, aramî û çanda jiyana hevbeş a li herêmê kirin.

Banga Yekîtiyê

Di dawiya daxuyaniyê de, bang li hemû partiyên siyasî hate kirin ku di vê rewşa hesas de yekîtiya xwe biparêzin, ji ber ku di qonaxa niha de hevahengî û yekrêzî wek pêdiviyeke herî sereke tê dîtin.