سه‌ما
رێڤه‌به‌را پرۆژێ مينحه‌یا دارايى ئاشكراكر، رزگاربوويێن نوو يێن ده‌ستێ داعشێ دێ ئێنه تۆماركرن و ژ مينحه‌يا دارايى يا سه‌رۆكوه‌زيران مه‌سرور بارزانى مفادار بن.
ئیمان عه‌بدالله، رێڤه‌به‌را پرۆژێ مينحه‌یا دارايى بۆ رزگاربوويان بۆ سه‌ما راگه‌هاند: كه‌سێن نوو ژ ده‌ستێ تيرۆرستێن داعشێ رزگار دبن، دێ ناڤێن وان تۆمار كه‌ين ئێخينه ليستێ دا داكو ئه‌و ژى مينحه‌يا دارايى وه‌رگرن و ژێ بێ به‌هر نه‌بن.
ئاماژه ب وێ چه‌ندێ دا هه‌تا نۆكه قۆناغا سێيێ يا مينحه‌يا دارايى ل سه‌ر رزگاربوويان هاتيه دابه‌شكرن.
ب فەرمانا مەسرور بارزانی، سەرۆكێ حكومەتا هەرێمێ پرۆژێ پێدانا مينحه‌يا دارايى بۆ سێ هه‌زار و 575 رزگاربوويان ژ هه‌ردوو رگه‌زان هاته راگه‌هاندن.
هه‌روه‌سا بۆ رزگاربوويێن ل ده‌رڤه‌ى لينكه‌كێ تايبه‌ت هاتيه دانان و دكارن فۆرمێن خۆ پێشكێش بكه‌ن و ب رێكا بريكارێ خۆ مينحه‌يا مه‌هانه وه‌رگرن.