ناڤه‌ندا نووچه‌یان – سه‌ما
ل سەر سکالایەکا مستەفا کازمی، سەرۆکوەزیرێن پێشتر یێ عیراقێ، دادگەهەکا بەغدا ڕۆژنامەڤانەکی ب کۆژمێ پێنج ملیۆن دیناران ب پێبژاردن سزا ددەت، نڤیسینگەها کازمی پشتی بڕیارێ ڕاگەهاند،”ل ئەوی سزای بوورینە”.
ل ڕۆژا ئێک شەمبوويێ 22ـی کانوونا ئێکێ 2024ـێ، بڕیارەک ژ دادگەها بارایی یا کەرەخ ل بەغدا دەرکەڤتیە، کو ڕۆژنامەڤان قەیس حەسەن، ب تۆمەتا “ناڤزڕاندنا مستەفا کازمی” ب پێنج ملیۆن دیناران سزا وەکو پێبژاردن سزا دایە.
قەیس حەسەن دیارکریە، ئەو دێ ل دادگەهێ داخوازا پێداچوونا بڕیارێ کەن.
دهێتە زانین، ئەو ئاریشەیە ژ ئەگەرێ نڤیسینەکا ڕۆژنامەڤانێ ناڤهاتی بوویە کو ل 30ـی خزیرانا 2024ـێ ل تۆرا جڤاکی یا فەیسبووکی بەلاڤکریە و تێدا نڤیسیە:”مستەفا کازمی ژ عادل عەبدولمەهدی )سەرۆکوەزیرێن پێشتر) خڕابتر بوویە”.