سولی: جلێت كەسێن ئۆلی یێن ئێزدیانن وەك جلێت ( بابێ شێخ ، بابێ چاویش ، ….. هتد ) وەك سەبەقەكا قەولی ژ قەولێ رما راستیێ خویا دكەت :
وەكی تە سولی دبەستا
رما راستیێ هەلگرتی ل دەستا
ماشێ خوە ب حەلالی ژ میرێ مەزن دخوەستا
خومری: رەنگێ سۆر و قەحوەییی تێكەل.
مەهر: ئەو پارەیێ دبتە شوونا سۆزا زەلامی بۆ ژنكێ، ژێدەرێ ناڤێ مەهر ژ ناڤێ مهر(میترا) هاتی یە، خودانێ سۆز و پەیمان و پێكڤە گرێدانێ.
مەعریفەت : ئەو مەعریفەتا حسی یە یا كو بریێیا هەستان دگەهتە مرۆڤی، ل لالشا نورانی سوكە مەعریفەتی و دكانێت مەعریفەتێ وێت هەین رامان ژ وان دكانا دەمێ ئێزدی دچنە لالش ل وان دكانا مەعریفێ دكرن نەكو د هزرا هندەك كەساندا دكانێین كرینا كەل و پالانە.
خۆزی ئەز چۆبامە سوكا مەعریفەتێ
جیێ خێر و ناز و نەعمەتێ
جیێ ستی لێ دكەن خلمه‌تێ
سمات: خوارنەكا پیرۆزە دناڤ ئێزدیان دا داهنێ گەنمی ب دەستێ كچێت نەشوكری ( بكر) دئێتە ئامادەكرن، د فەلسەفە و میتۆلوجیا ئادابێ ئۆلا ئێزدیان دا هاتی یە پشتی مرۆڤ ژ سەفینا نوح هاتیە خوار و گەهشتی یە ئەردی دل خۆش بوون و كەیفا وان هات و ژ بۆ خاترا ئەوێن د ئاڤێدا خەندقین سمات چێكرن هەتا نهۆ ژی ئێزدی ڤێ جورا خوارنێ د رێ و رە سمێت ئۆلی دا چێدكەن و ل تازیا دبێژنێ خێرا مری (سمات).
سمات یە سەبیلە
یە بێ قالە ، بێ قیلە
یە بێ ربایە بێ بەرتیلە
رێزدارێن دەروێشان و دەلیلە
سمات ل جەم ئێزدیان خوارنەكا پیرۆزە و سوما ل جەم هندستانێ وەك خوداوەند دبینن، ل جەم ئیرانیان دبێژنێ هەوما جۆرە گیایەكا و ل جەم یارسانیان دبێژنێ لۆفانی خوارنەكا پیرۆزە.
سیقال: ئەو دلۆپێن ئاڤێ بەرێ سبێ، ب سەرڤە بەفرن و ناڤ دا ئاڤە، شرۆڤەكرن ب شێوەیەكی دی دێ ل گور شرۆڤەكرنا شێخ عەلۆ هەكە ترارەكی ئاڤێ نیفی بكەین و ب سەرڤە ئاڤ ب جامددت و ل بنێ تراری ئاڤە تازی دمینت دبێژن ئەو ئاڤە دەرمانە بۆ دل و هناڤان گەلەك جارلن دێ بینین ل گەلەك وەلاتا بێ جلك دچنە ناڤ ئاڤا تەزی دبێژن دەرمانە بۆ لەشی .
ژ مالێ هەتا مالێ
شێشمسە خۆدانێ سیقالێ
ئەم شێشمس نابرین ئیمانێ
ئاری : دەمێ سەفینە نەبی نوح ل چیایێ جودی راوەستایی وی دەمی خەلكێ هندستانێ ب هەوارا نەبی نوح هاتن، نەبی نوح گوتە زاروكێت خوە ئەڤا یێت هاتینە ئاری ( هاری )مە.