پشتی رەزامەندیا چڤاتا روحانیا ئێزدیان ل سەر ڤەگەڕاندنا کچ و ژنێن ئێزدی ئەڤێن کەتین دەستێ داعش ھاتیە دان کو بەشەکی ھەرە زۆر ژ ڤان کچ و ژنان د رێکا حکومەتا ھەرێما کوردستانێ و ھندەک لایەنێن دیتر ڤەگەریان بۆ ناڤ کەس و کارێن خو و ب کچێن پیرۆز ھاتن ناسین، ھاتنا ڤان کچا بوویە جھێ سەرسۆرمانێ ل دەف خەلکێ بیانی و نافخۆییا! کچەکا ئێزدی بسلمان بت و باوەریێ ب ئایینەکی دیتر بینت ل بن ھەر فشارەکا ھەبت و جارەکا دی ڤەگەرێت ناڤ جڤاکێ ئێزدیان و ب کچەکا قەدیس بھێتە ناساندن، ئەڤ چەندە ژی ژلایێ ئایین و نەتەوێن دورماندۆری ئێزدیاتیێ چ ل ئێراقێ و کوردستانێ چ ل جیھانێ ب پێنگاڤەکا ئەرینی ھاتە ل قەلەم دان کو میرێ شێخا و چڤاتا روحانی ڤێ بریارا وێرەک بدەن، ژبەرکو (٧٣) فەرمان ب سەرێ ئێزدیان ھاتینە، بەری ڤێ فەرمانێ چو کارێ وەسا نەھاتییە ئەنجامدان، ئەڤە بۆ جارا ئێکێ یە ئەڤ لێبۆرین دناڤ ئێزدیان دا دھێتە کرن و ئەڤێن کەتین دەستێ کافر و نەیارە ب سەربەڕزی ڤەگەرین، ل ڤێ فەرمانێ ھەمی کەسێن کەتین دەستێ داعش، ھاتن لێبورین و بەشەک ژێ ڤەگەریان بۆ ناڤ کەس و کارێن خۆ و ب ئێزدیاتی یا خۆ شادبوون، ھەر چەندە ئەڤ کار یێ بەرۆڤاژی ئێزدیاتیێ یە و ب ھیچ رەنگی ناھێتە قەبول کرن، بەلێ ژ نەچاریا کاودانێت ھاتین پێش و ھند فەرمان و زۆرداریا ڤێ جارێیە گران بوو ژ نەچاری مللەت پێکڤە شێوری و ئەڤ بریارا دیرۆکی ھاتە دان کو ئەڤ کچ و ژنێن کەتین دەستێ داعش ڤەگەرین و وەک قەدیسەک دناڤ ئێزدیان دا بژین د سەربەرز و ئازاد، جھێ دلخۆشیێ بوو پشتی ئەڤێ بریارێ سەر گرتی چڤاکێ نێڤدەولی و جیھانی و نافخویی پێشوازیا ڤێ بریارێ کرن و پێنگاڤەکا ئەرینی دان زانین، ژبەر کو بەری نھا قەدەغە بوو ھەر کەس ڤی بەحسی ژی بکەت لێ سەرەرای ڤان ئاستەنگا نھا ئەو کچ و ژن یێ ئازاد د ژین، لێ جھێ داخیە ئەڤە ماوەکا ھندە ژ کۆمەل و رێکخراوێن UN یێ ھەولێن ئازراندنا ھندەک ژ بابەتێن مەترسیدار ل سەر ئێزدیاتیێ دەن کو ئەو زارۆکێن داعشا و ل کەمپێن ھۆل و جھێن داعش لێ ھەین د بێ کەس و سەمیان ماین دخازن ڤەگەرینن ناڤ ئێزدیان و د بێژن ئەڤنە زارۆکێن ئێزدیانن و پەیوەندییا ب ڤان کچ و ژنێن رزگارکری دکەن ب بەھانا گەشتەکێ یان گەریانەکێ ژ بەر کو دەروونێ وان تێک چۆییە و پێدڤی ھاریکاریێ نە، ھوسا مالێن وان ژی رازی کرینە و سەردابرینە، بەلێ بەرۆڤاژی دگەل ڤان کچ و ژنا یێن رێکەفتین وان بگەھینن زارۆکێن وان ئەڤێن ژ داعش پەیدابووین و ژ بندەستێ ئێزدیان خلاس کەن، د ئەنجامدا گەلەک ژوان نھا ل تورکیا و گەلەک جھێن دیتر یێ زارۆکێن داعشا خودی دکەن، پشتی چڤاکێ ئێزدیان بگشتی و جڤاتا روحانی ب تایبەت ئەڤ دەنگ و باس بیھستین، ئەڤ چەندە رەت کرن کو ئەڤ زارۆکێن ژ داعش جارەکا دی ڤەگەرێن بۆ ناڤ ئێزدیا و وەک ئێزدی بژین و کچ و ژنێن ئێزدی ڤان زارۆکێن داعش ب زارۆکێن خو بزانن و خودی کەن، ھەر وەسا ل ڤێ دوماھیکێ د رۆژناما نیویورک تایمز دا ھاتیە بەلاڤکرن ھندەک کەسا د رێکا رێکخراوێن بیانی ھەول داینە خو بگەھینن ڤان رزگاربوویێن ئێزدی و وەسا تێگەھاندینە ئەگەر بڤێن زارۆکێن خو ب خوەدی کەن دێ وان و زارۆکێن وان گەھینن دەرڤەی وەلاتی، ئەو بوو ل ڤان رۆژێن بوری ھندەک ژ رزگاربوویێن دەستێ داعش ژ کەمپێن کوردستانێ ب بەهانەییا ب گەهن پاپای و ئێش و ئازارێن خو بگەھینن د رێکا ڤان رێکخراوێن سڤیل و UN دا بەرۆڤاژی بەرێ وان داینە سەرسنورێ ئیراقێ وسوریا و ھندەک زارۆک ئامادەکرینە کو ئەڤ نە زارۆکێن وانن، ھەر بۆ زانین ھندەک ژ ڤان خوشکا ئەڤە پێنچ سالا، چار سالا، سێ سالا ھاتین. وەکی دیار فلمەک دروستکرینە و ھەتا نھا ئەو کچ و ژن د بێ سەرۆشینن و کەس و کارێن دکەنە گازی و ھاوار تشتەکی ژ وان نزانن، دایک و باب و کەس و کارێن وان دبێژن ئەڤ کچ ژ مال دەرکەفتینە بچن بەغدا و پاپای ببینن و سەر مەدا ڤەنەگەریان، ئەڤ چەندە ژی بیە جھێ دلگرانیا چڤاکێ ئێزدیان کو نابت پشتی ڤێ کۆمکوژیا ل سەر ئێزدیان ھاتیە کرن جارەکا دی سڤکاتیێ ب ئول و چڤاکێ ئێزدیان بکەن ژبەر کو ئێزدیاتی دگەلەک قوناغێن سەخت و دژوار دا دەرباس بییە د دیروکێ دا و ئێزدیاتی وەکی ھەی پاراستیە ب خوینا سەرێ ھەزارەھا باب چاک و عەگید و مێرخاسێن ئێزدیان، نھا ژی ل پێ ناڤێ ھندەک رێکخراوێن مافێن مرۆڤی یان ھندەک کەس خو ب ڤی بابەتی بەرناس کەن و دەستکاریێ د ئول و رێبازا ئێزدیاتیێ یا کەڤنار بکەن ب ھیچ رەنگەکی جڤاکێ ئێزدیان قەبول ناکەت، جھێ داخێ یە ھندەک ژ کەنالێن راگەھاندنێ و رۆژنامەڤانێن دەولی و نافخویی ژی ئەڤ بابەت گەلەک ئازراندینە و پشتەڤانیا ڤان زارۆکێن داعش دکەن و بێی ڤێ ئولا کەڤنار بناسن کا چەند جارا رەھ و ریشالێن ڤێ ئولێ ھاتینە برین و چ ھاتیە سەرێ ئێزدیان، دەست ژ ڤێ ئۆلا رەسن بەرنەداین و ئێزدیاتی پاراستی، ھەگەر ھند ئەڤ رێکخراوێن UN د خەما زارۆکێن ئێزدیانن بلا زارۆکێن مە ڤەگەرینن ئەڤێن کەتین دەستێ داعش، ل قوتابخانێن وان دھێنە پەروەردەکرن لسەر تیرۆرێ و کرینە تیرۆریست، نە زارۆکێن داعشا بۆ مە بینن، ئێزدیان کەس نە کوشتیا و کەس ب خورتی نەکریە ئێزدی و ئەڤ ئێزدیاتی ھەر ژ ئەزل دا دڤێت دای و باب ئێزدی بن و خودێ ناس بینە و باوەری بئێکانە خودێ ھەبیە و ھەر کەسێ ئێزدی پێگیریێ ب ئێزدیاتیێ نەکت دێ ھێتە دەرئێخستین ژ ئێزدیاتیێ، ئەم ئێزدی باش د جەگەرێ ھەر دەیکەکێ د گەھین، زارۆک ژ جەرگێ وێ درۆست بیە و گەلەک زەحمەتە ژنەک بشێت جەگەرا خۆ ب سۆزت و دوری زارۆکێن خۆ بت، بەلێ ئەڤ یا داعشێ ئینایە سەرێ ڤان کچ و ژنان ب گەلەکێ مەزنترە ژ ڤێ موسیبەتا ھێلانا زارۆکا، دڤیا بزانین بابێ وی زارۆکی یێ شەھید بی و یێ ھاتیە کوشتن و گرتن و تالانکرنا مال و ملکێن شنگالیا ھەر وەسا کوشتنا دایک و بابێن وان کچ و ژنا و کرین و فرۆتن ب شەرەف و ناموسا ئێزدیان کریە ژ نو زارۆکێن وان ب خودان کەن تشتەکی سەیرە و قەت و قەت کچا ئێزدی یا ب شەرەف و ناموس قەبول ناکەت، ھەگەر ھندەک ژ ڤان کچا ھاتبنە خاپاندن بەلێ٩٠٪ ژ ڤان رزگاربوویێن دەستێ داعش ئەڤ زارۆک رەتکرینە و نەڤیاینە و ب ئێزدیاتی یا خۆ شادبینە و جارەکا دی ھندەکا ژ وان ھەڤژینی کریە و ھندەک ل مال بابێن خو ب رێز و حورمەتن، ژ لایەکی دیڤە دڤێت ئەم ھەمی بزانین بەشەک ژ ڤان کچ و ژنێن کەتین دەستێ داعش نەخوشیێن دەرونی ھەنە ژ ئەنجامێن وێ زولم و زۆرداریا داعش ل وان کرین، کەس و کارێن خو ژ دەست داین و نھا ژی د ژیانەکا بێ سەر و بەردا د ژین، ئەڤ جار ژ بێ ھیڤیێن ژیانێ و نەخۆشیا ھەی ھەولێن دیتنا زارۆکێن خو دکەن و دخازن ڤەگەرێن بەرسنگێ وان دا کو ئالۆگورەکێ د ژیانا خو بکەن، لێ ئەڤە قەدەرا وان بوو دڤیا ئەو بخۆ رێزێ ل ئێزدیاتیێ بگرن کو ئێزدیان ئەو جارەکا دی کچێن پێرۆز دانە زانین، ھەگەر وان باوەری ب ئێزدیاتیێ نەما و دخازن دگەل زارۆکێن داعش بژین و ئێزدیاتیێ بکەن قوربانیێن زارۆکێن داعش، ئێزدی ژی ڤێ چەندێ ب ھیچ رەنگی قەبول ناکەن وەکی چڤاتا روحانی و ئێزدی دبێژن ھەگەر دێ ڤەگەرێن ناڤ داعش بلا ڤەگەرێن و دوڕندێن داعش ب خودان کەن، ئەڤە کێماسیە ھندەک ژ وان دبێژن، ژبەر کو ئەڤ دیاردا ڤەگەراندنا ڤان زارۆکا و ئەڤ پرۆپاکندێن دھێنە کرن و ھندەک ئالی ئێزدیان تومەتبار دکەن، بلا چارەکی ل ڤان کچ و ژنێن رزگاربووی بکەن، ھەمی د بێ سەروبەرن دناڤا ڤان کەمپا دا نەساخن، بلا وان کچ و ژنێن ماین د دەستێ داعش دا رزگارکەن بلا شنگالێ ئاڤەدان کەن و شنگالیا ڤەگەرینن شنگالێ، بلا ھەول بدەن قوربانیێن شەرێ داعش بکەن شەھید و مۆچەکی دابین کەن ژ بۆ کەس و کارێن قوربانیێن شنگالێ، نە ئێش و ئازارێن مەزێدەکەن، دڤیا دنیا ھەمی بزانت سوباھی ئەڤ زارۆک بزڤرن ژی چ یاسا ل ئێراقێ نینن ناسنامێن ڤان زارۆکا بکەن ئێزدی ژبەر کو یاسا بارێ شارستانیەتێ ل ئێراقێ رێکێ نادەت کەسەک بابێ وی بسلمان و دەیکا وی ئێزدی، بێژن ئەڤە دێ بتە ئێزدی ب ھیچ رەنگەکی یاسا ئێراقی رێکێ نادەت، ژبەرکو ھندەک کێشە مە وەک ئێزدیان بەری نھو ھەینە بۆ نمونە فەرمانبەرەکی ب شاشی مرۆڤەکی ئێزدی تۆمارکریە بسلمان ھیچ کەسی ب ھیچ رەنگەکی نەشیا ڤەگەرینت و دادگەھا رێک نەدایە جارەکا دی ناسناما وی مرۆڤی ب کەتە ئێزدی و ئەڤ حالاتێن ل سالێن ٦٠-٧٠-٨٠-٩٠-٢٠٠٠ گەلەک کەس ھەینە و ھەتا نھا ناسنامێن وان بسلمانن و زارۆکێن وان ل سەر وان نەھاتینە تومارکرن، ئەڤ جار کورە بسلمانەک ژ دەولەتا ئیسلامی دێ چاوا ڤەگێرین ھەگەر بۆ فتنەکێ بھێن ژی سوباھی دێ بنە بەلا ل سەر سەرێ ئێزدیان و دێ ئێزدی تووشی کێشێن مەزن بن، ل دوماھیکێ ژی ژ چڤاتا روحانی و میرێ شێخا و مەزن و ئۆجاخێن شنگالێ دھێتە خاستن رێزەکا تایبەت ل ڤان کچ و ژنا بھێتە گرتن و خۆ نێزکی ڤان رزگاربوویێن دەستێ داعش بکەن و دەستێ خو دانێن سەر سەرێ وان، ژ بەرکو برینا وان گەکەک کۆرە و پێتڤی ب چاڤدێری ورێزگرتنێ نە و ئەم ھەمی خو ل وان بکەین خودان و رەوشا وان باش کەین و باوەریێ بۆ وان دروستکەین وھشیار کەین ب ھێچ رەنگی ئەڤ زارۆک نازڤرن و ھشیاری نەیار و دۆژمنا بین مە نەخاپینن، ئێزدیاتی ژھێڤنێ حەلالە و حرام نەکەن.
