ناڤەندا نووچەیان – سەما
سه‌رپه‌رشتێ دۆسه‌يا رزگاركرنا ره‌ڤانديێن ئێزدى چاره‌نڤيسێ ره‌ڤانديێن ماين ئاشكرا دكه‌ت.
خێرى بۆزانى، سه‌رپه‌رپشتێ دۆسه‌يا رزگاركرنا ره‌ڤانديێن ئێزدى، ئيرۆ ئێك شه‌مبوويێ 23ى شوباتا 2025ێ، بۆ سه‌ما راگه‌هاند: ژ سالا 2014 وه‌ره و تا ئيرۆ ڕۆژ 2 هه‌زار و 600 ره‌ڤانديێن ئێزدى نه‌هاتينه ناڤ كه‌سوكارێن خۆ و ديتن.
سه‌باره‌ت چاره‌نڤيسێ ره‌ڤانديان، بۆزانى دبێژت: “هه‌ژماره‌كا مه‌زن يا ره‌ڤانديان نوكه ل كه‌مپا هۆلێ نه ل سووريێ و نكارين راسته راست ژمارا وان ديار بكه‌ين”.
ناڤبرى دوپاتكر، ئه‌و لايه‌نێن زێره‌ڤانى و پارێزڤانيا كه‌مپا هۆلێ دكه‌ن هاريكار نينن دگه‌ل مه دا بۆ ده‌رێخستنا ره‌ڤانديان.
ل گۆڕه‌ى نڤيسينگه‌ها رزگاركرنا ره‌ڤانديێن ئێزدى هه‌تا نوكه 3 و 585 ره‌ڤاندى ژ ده‌ستێن داعشێ هاتينه رزگاركرن.