ناڤه‌ندا نووچه‌يان – سه‌ما
شەمبوويێ، 31-05-2025، کۆمبوونه‌كا گرنگ و بەرفره‌هـ يا هێز و لایەنێن سیاسیێن هەرێما کوردستانێ ب سەرپەرشتیا دەستەیا کارگێڕیا پارتی دیموکراتی کوردستان، ل پیرمام ب ڕێڤەچوو.
لایەنێن سیاسی يێن بەشدارى کۆمبوونێ، ڕاگەهاندنه‌كا هه‌ڤپشك به‌ڵاڤكرن و ئاماژە ب وێ چه‌ندێ دا، ل مەکتەبا سیاسى يا پارتى دیموکراتى کوردستان ل پیرمام، ، هێز و لایەنێن سیاسییێن کوردستانێ کۆمبوونەکا هەڤبەش ئەنجامدا ب مەبەستا گەنگەشەکرنا ڕەوشا سیاسی یا کوردستانێ و عیراقێ و، کێشە و ئاستەنگێن ناڤبەرا هەرێمێ و حکومەتا فیدرال، ب تایبەتی بڕیارا دووماهیێ یا نەدەستووری و نەیاسایی یا وەزارەتا دارایی یا حکومەتا فیدرال و ڕاگرتن و نەهنارتنا مووچێن مووچەخۆرێن هەرێما کوردستانێ. پشتی گەنگەشەکرن و گوهۆڕینا پێدڤی ل سەر ڤێ بابەتێ، هەمی لایەن هەڤرا بووین کو ئەڤ بڕیارە بڕیارەکا سیاسی یە دژی ئیرادا گەلێ کوردستانێ و قەوارا سیاسی و یاسایی یا هەرێما کوردستانێ.
ل دویڤ دەستوورێ هەمیشەیی یێ عیراقێ و بڕیارا دادگەها فیدرال و یاسایا فەرمانبەر و مووچەخۆرێن عیراقێ و ڕێککەفتنێن ناڤبەرا حکومەتا هەرێمێ و حکومەتا فیدرال، پێدڤییە حکومەتا فیدرال پابەند بیت ب ئەرک و ئیلتیزامێن خۆ بەرامبەری خەلکێ هەرێما کوردستانێ و، مافێ مووچەخۆرێن هەرێمێ تێکەل ب ململانێن سیاسی نەهێتە کرن، هەروەسا حکومەتا فیدرال دوور بکەڤیت ژ سیاسەتا برسیکرن و فشارخستنا سەر هەرێما کوردستانێ، ژبەرکو ئەڤ سیاسەتە جگە ژ قویلکرنا ئاستەنگان، نەدیتنا گوهۆڕینێن زۆر و خێرا یێن دەڤەرێ یە، لەوما د بەرژەوەندیا چ لایەکی دا نابیت.
ئەم وەک هێز و لایەنێن سیاسییێن هەمی پێکهاتێن کوردستانێ دگەل سوپاس و پێزانینا مە بۆ خۆڕاگریا مووچەخۆر و فەرمانبەر و پێشمەرگە و مامۆستا و گەلێ سەربلند یێ کوردستانێ ب گشتی، دووپات دکەین کو هەلویست و بڕیار و گاڤێن مە د ئاراستەیا بەرژەوەندیا هەڤوەلاتیان و هەرێما کوردستانێ دا دبن و بژاردەیا گەنگەشە و دانوستاندنێ ب باشترین ڕێکا چارەسەریێ دزانین بۆ ڤێ قۆناغێ، دهەمان دەم دا هەمی بژاردە ب ڤەکری دبینین بەرامبەر خۆ د پێناڤا بەرژەوەندیێن بلند یێن هەرێما کوردستانێ.
پارت و لایەنێن کوردستانێ:
1. یەکێتیا نیشتمانی یا کوردستانێ
2. بزاڤا گۆڕان
3. پارتا سۆسیالیست دیموکراتا کوردستانێ
4. بزاڤا ئیسلامی یا کوردستانێ
5. پارتا شیوعی یا کوردستانێ
6. بزاڤا پەیوەندی ئیسلامی یا کوردستانێ
7. پارتا زەحمەتکێشێن کوردستانێ
8. پارتا ڕەنجدەرێن کوردستانێ
9. پارتا پارێزگارێن کوردستانێ
10. یەکێتیا نەتەوەیی دیموکراتا کوردستانێ
11. بزاڤا دیموکراتا گەلێ کوردستانێ
12. پارتا نەتەوەیی یا کوردستانێ
13. بزاڤا ڕزگاریا دیموکراتا کوردستانێ
14. پارتا پێشکەفتنخوازا دیموکراتا کوردستانێ
15. پارتا بنیادی یا دیموکراتا کوردستانێ
16. بزاڤا ئاشتیخوازێن کوردستانێ
17. هەڤپەیمانیا نیشتمانی
18. پارتا ڕزگاریا کوردستانێ – دەستەیا سەرۆکاتیێ
19. پارتا دیموکراتا تورکمان
20. پارتا نیشتمانی یا تورکمان
21. پارتا ڕزگاریا نەتەوەیی یا تورکمان
22. پارتا یەکگرتی یا تورکمان
23. بزاڤا تورکمانێن بێلایەن
24. پارتا گەشەپێدانا تورکمان
25. پارتا چاکسازیا تورکمان
26. پارتا گەلێ تورکمانی یا عیراقێ
27. بەرەیا تورکمانی
28. بزاڤا دیموکراتا تورکمان
29. پارتا گەزەنگا تورکمان
30. پارتا ئیرادەیا نیشتمانی یا تورکمان
31. پارتا تورکمان ئیللی
32. لیستا میللەت
33. لیبرالێن تورکمانی
34. پارتا یەکێتیا دیموکراتا کلدانی
35. پارتا ئەنجوومەنا نەتەوەیی یا کلدانی
36. پارتا دیموکراتا بێت نەهرێن
37. پارتا ئەنجوومەنا میللی یا کلدانی سریانی ئاشووری
38. ڕەوتا شلاما
39. پارتا بزاڤا گردبوونەڤەیا سریانی
40. کۆمەلا ڕۆشنبیری یا ئەرمەن
41. دەستەیا کارگێڕیا بەڕێڤەبرنا تایفەیا ئەرمەن
42. ڕابیتەیا کلدانی یا جیهانی
43. پارتا دیموکراتا کوردستانێ