ناڤەندا نووچەیان – سەما
بۆ ئێكهم جار گهندهلييهكا مهزن يا پڕۆژهيێ سۆلينێن ئاڤێ ل ناحيا سنوونێ هاته ئاشكراكرن و ليژنهيهك بۆ دووڤچوونا پڕۆژهيى و سزادانا كۆمپانيا جێبهجێكار دێ ئێته پێكئينان.
مهحما خهليل، ئهندامێ پهرلهمانێ عێراقێ، ئيڕۆ 1ـى ئهيلوولا 2025، سهرهدانا ڕێڤهبهريا سۆلينێن ئاڤێ ل نهينهوا كر و چهندين دۆسهيێن پڕۆژهيێن دبوارێ بجهئينانێ دا و پلانا ڕێڤهبهريێ بۆ پێشوازيكرنا وهرزێ باران بارينێ گهنگهشهكر.
نڤيسينگهها ڕاگههاندنا پهرلهمانتار مهحما خهليل دياركر، د ديدارێ دا پهرلهمانتارى ئهو كۆمپانيا ب كارێ بجهئينانا پڕۆژهيێ سۆلينێن ناحيا سنوونێ ڕادبت ب شكهستى دياركر، دووپاتكر كو وان ل بهره بكهنه د ليستا ڕهشدا و سزا بدهن و ليژنهيهكا دووڤچوونێ يا بلهز پێكبينن، ب تايبهت پشتى هاتيه سهڵماندن كو شكهستن د چهند پڕۆژهيێن دى دا ل نهينهوا ئينايه.
ئاماژه هندێ دا، ڕهوانهكرنا ڤى پڕۆژهيى بۆ ڤێ كۆمپانيێ ب دهرفهت ديتن و ستهمهكا مهزنه ل دژى خهڵكێ دهڤهرێ و بزاڤهكه بۆ دزينا دراڤى، ب هشيارى دێ ههموو بهڵگهنامهيێن ڤێ كۆمپانيێ ڤهگوهێزينه نڤيسينگهها سهرۆكێ حكومهتا عێراقێ و لايهنێن تايبهتمهند بۆ سزادانا ڤێ كۆمپانيێ.
ئهڤ پڕۆژه ب ئێك ژ پڕۆژهيێن گرنگ ل ناحيا سنوونێ سهر ب قهزا شنگالێ دئێته دانان.