زانکۆلاین بۆ دەرچوویێن دوازدێ ئامادەیى هاتە کاراکرن

ناڤەندا نووچەیان – سەما

ئيڕۆ سێ شەمبوويێ، 23ـی ئەیلوولا 2025، وەزارەتا خواندنا بڵند و ڤەکۆلینێن زانستی؛ ڕاهگەیاند، زانکۆلاین بۆ دەرچوویێن دوازدێ ئامادەیى هاتە کاراکرن.

سیستەمێ زانكۆلاین بۆ پڕۆسه‌یا پێشکێشکرنێ بۆ‌ زانكۆيێن هەرێما كوردستانێ ب ڕێيا لینكێ(www.regayzanko.com) هاته‌ كارا کرن و بۆ ماوێ 8 ڕۆژان بۆ دەرچوويێن دوازدێ ئامادەیى دێ بەردەست بتت.

وەزارەتا خواندنا بڵند و ڤەکۆلینێن زانستی ڕادگه‌هينت، ده‌رچوويى دوى ماوەیى دا دكارن فۆرما وه‌رگرتنێ ل‌ زانكۆ و په‌یمانگه‌هان پڕ بكه‌ن و پێشكێش بكه‌ن، هه‌روه‌سا ده‌رچوويى دڤێت سەره‌دانا خواندنگه‌هێن خۆ بکەن، ب مەبەستا وەرگرتنا ناڤێ بکارهێنەرى و وشەيا تێپەڕ (Username) و (Password).

ئه‌و ژى ڕاگه‌هاند، ئەڤسالە 57 هزار و 980 دەرچوویێن قۆناغا دوازدێ یێ زانستی، وێژەیی، پیشەیی، قوتابخانەیێن نێڤدەولەتی ب ڕێيا زانکۆلاین دێ پێشکێشی خواندنێ کەن.

ئاماژه‌ ب وێ چه‌ندێ دا، 400 کورسیێن خواندنێ ل زانکۆ و پەیمانگەهێن ناڤەراست و باشوورێ عێراقێ بۆ قوتابیێن دوازدێ ئامادەیی ل هەرێمێ هاتینە تەرخانکرن.

ديار ژى كر، زانکۆلاین ژ ئيڕۆ ڕۆژا سێ شەمبوويێ 23-9-2025 هەتا 8 ڕۆژێن دی ڤەکری بت.