ناڤهندا نووچهيان – سهما
تیمێن مەیدانی يێن دەزگههێ خێرخوازیێ بارزانی، ل گهڵ دەستپێكا جەژنا جەمايێ، هاريكاريێن لۆجستی و پزيشكى بۆ زيارهتكارێن پەرستگەها لالش دابینكرن.
ب گۆڕهى ڕاگههاندنا دەزگههێ خێرخوازیێ بارزانی بهڵاڤكرييه، هەر ل گەڵ ئێكهم ڕۆژا جەژنا جەمايێ، هاريكارى پێشكێشى زێدهترى 800 خێزانان هاتنه کرن، كو سەرهدانا پەرستگەها لالش كرن. هاريكارى پێكهاتبوون ژ دابینكرنا ترۆمبێلێن ڤهگوهاستنا، ئاڤا ڤهخوارنێ، پاكێجا ساخلهميێ و پێشكێشكرنا خزمەتگۆزاریێن پزیشكی.
هەر ل ڕێككەفتی 10-10-2025، موسا ئەحمەد، سەرۆكێ دەزگههێ خێرخوازیێ بارزانی د درێژاهيا سەرهدانێن خۆ بۆ پەرستگەها لالش، سەرهدانا تیمێن مەیدانی يێن دەزگههى كر، كو خزمەتگۆزاری بۆ بەشداربوويێن جەژنا جەمايێ دابین دكەن، دەستخۆشی لێكر و كارێ وان ب پیرۆزى وەسفكر.
دەزگههێ خێرخوازیێ بارزانی، د هەموو خۆشی و نهخۆشیان دا پاڵشتی و هاريكاریا خوشك و برايێن ئێزدى كريە و دێ بەردەوام بت ل سهر ڤان خزمەتان لژێر دروشمێ “شانازییە بۆ مرۆڤى خزمەتکارێ مللەتێ خۆ بت.”
