ناڤەندا نووچەیان – سەما
شیرهتكارێ سهرۆكێ ههرێمێ بۆ كاروبارێن لهشكهری، ڕاگههاند، ههبوونا داعشێ ل ناڤچهیێ و ب تایبهتی ل عێراق و سووریێ ڕێكخۆشكهره بۆ دوباره سهرهلدانا داعش.
ئیرۆ پێنج شهمبێ 29ـی كانوونا دووێ 2026ێ، بابهكر زێباری، شیرهتكاری سهرۆكێ ههرێمێ بۆ كاروبارێن لهشكهرى ڕاگههاند، ئهو داعشێن ژبهر شهرێ هێزێن سوریا دیموكراتیك(ههسهده) و سوپایێ عهرهبیيێ سووریا ژ زیندانان رهڤین مهترسینه ل سهر ناڤچهیێ و ئهگهرێ سهرهلدانا داعشێ ل عێراق و سووریێ زێدهتر بوویه.
ئاماژە ب وێ چهندێ دا، ناکۆكييێن دناڤبهرا عێراق و سووریا دا ل خالێن سنووری ڕێخۆشکەرە بۆ هندێ ئەو داعشێن خۆ ڤهزنه ناڤ ئاخا عێراقێ، ههڤدهم ئەو داعشنه ل بزاڤهكێ دگهڕن بۆ هندێ دوبارە دەست ب چالاکییێن تیرۆرستی ل عێراق و سووریێ بكهن.
بابەکر زێباری گۆتژى: مەترسیا ههبوونا داعشێ بۆ سەر هەرێما کوردستانێ نینە، چنکو حکومەتا هەرێما کوردستانێ گهلهك ب باشی سنوورێن خۆ کۆنتڕۆل کرينە و داعش نكارت ل سنوورێن کوردستانێ دهرباز ببت و مەترسیێ دروست بکهت.
دهربارهى ڕهوشا سووريێ گۆت ” ڕهوشا نۆكه ل سوریێ نهیێ رێكخستیه، حكومهتا عهرهبی یا سوری شیانێن كۆنترۆلكرنا گرۆپێن چهكدار نینه، ههروهسان سۆز و پهیمانێن خۆ ژی جێبهجێناكهن و د شكینن، ئهو ل ژێر دهستههلاتا حكومهتا سوریێ دهرچۆینه و ئهحمهد شهرعی كۆنترۆلا هێزا خۆ ژ دهستدایه، بهلێ پشت راستین ئهو شهرێ ل دژی كورد دهێته ئهنجام دان، سهركهفتی نابت و نكارن بچنه دناڤ ئاخا كوردان ل رۆژئاڤایێ كوردستانێ.”