خانکێ – ڕاگەهاندنا باژێرڤانیێ
د چارچۆڤێ پلانێن بەردەوام یێن سەروکاتیا باژێرڤانیا خانکێ بۆ باشترکرنا ژێرخانا باژێڕی و گەهاندنا خزمەتگوزارییان بۆ سستەمێ ڕێک و جادەیان، تیمێن تەکنیکی یێن باژێرڤانیێ دەست ب بجهئینانا زنجیرە پڕۆژەیەکی ناڤخۆیی کر.
ل دووف زانیارییێن نڤیسینگەها ڕاگەهاندنا باژێرڤانیێ، ل رێكهفتی١٠-٣-٢٠٢٦، کار ل سەر ڤەکرن، تێکڵکرن و صەبکرنا چەندین جادەیێن سەرەکی و نێوخۆیی ل گەرەکێن جودا جودا یێن سنۆرێ ناحیا خانکێ هاتە کرن، ئەڤ کارە ب مەرەما ئاسانکارییا هاتن و چوونا وەڵاتییان و کێمکرنا ئاریشەیێن هاتن و چوونێ دناڤ کۆڵانان دا دهێتە ئەنجامدان.
تەوەرێن سەرەکی یێن پڕۆژەی:
-
ڤەکرنا جادەیێن نوو: ئامادەکردنا ڕێڕەوێن نوو ل ئەو شوونێن کو پێویستی پێ هەبووی.
-
تێکەڵەکرن: ڕێخستنا جادەیان ب ماددێ تێکەڵێ بۆ وێ یێ بشێن بەرگریێ ل هەمبەر گۆڕانکارییێن سەقای بکەن.
-
صەبکرن: کۆنکریتکرنا جادەیێن نێوخۆیی ب کوالێتییەکا بلند، دا کو ژیانەکا خزمەتگوزارییا درێژخایەن هەبیت.
سەروکاتیا باژێرڤانیا خانکێ ئاماژە ب وێ چەندێ کر کو ئەڤ پڕۆژەیە ل سەر بودجە و پێشینا هەیڤانە یا باژێرڤانیێ دهێتە بجهئینان، ئارمانج ژ ڤێ پێشینێ ئەوە کو ب بێ گیرۆبوون، پڕۆژەیێن بچووک و خزمەتگوزاری یێن کو ڕاستەوخۆ پەیوەندی ب ژیانا ڕۆژانە یا وەڵاتییان ڤە هەی، بهێنە بجهئینان.
ل دویماهییێ، ڕاگەهاندنا باژێرڤانیێ دوپات کر کو کاروانێ ئاڤەدانکرنێ یێ بەردەوامە و ل دویف پلانەکا دارشتی، دێ هەمی ئەو شوونێن پێویستی ب نۆژەنکرن یان ڤەکرنا جادەیان هەبت، د قۆناغێن داهاتی دا هێنە ئەنجامدان.
